Бонуччи Роналдунинг ПСЖга ўтиши ҳақида нималар деди?

"Ўйлашимча, Криштиану Месси ПСЖга ўтмаган тақдирда ҳам, жамоамизда қолган бўларди.

Биз учун Роналду – қадрли футболчи ва ишонаманки, у мақсадимизга эришиш йўлида ўтган мавсумдагидан кўра кўпроқ ёрдам беради. 

Скудеттони уйга қайтармоқчимиз, буни яширишнинг ҳожати йўқ. Сиз "Ювентус"да ўйнар экансиз, мақсад шу бўлиши керак. Яна Чемпионлар Лигасида ва бошқа мусобақаларда яхши иштирок этиш лозим.

Ўзим эса Европа чемпионатидаги каби ўйнаб, муҳим ролда бўлишни хоҳлайман", – деди Бонуччи.  

Аввалроқ Роналду ПСЖ ўйинчисига айланиши мумкинлиги ҳақида хабарлар тарқалган эди.