Бобур Зуҳриддинов: "Обод" ҳали "Локомотив" даражасида эмас"
08 may 2016 20:15
News

Бобур Зуҳриддинов: "Обод" ҳали "Локомотив" даражасида эмас"

"Обод" - "Локомотив" (0:2) учрашувидан сўнг мезбонлар мураббийи Бобур Зуҳриддинов ўз фикрларини билдирди.

"Биринчи бўлимда 40 дақиқа давомида ўзимиз учун жуда яхши ўйнадик. Бироқ тайм охирида консентрацияни йўқотиб қўйганимиз сабабли "Локомотив" имкониятдан унумли фойдаланиб кетди ва йигитларимиз ёш бўлгани учун ўйин издан чиқиб кетди", - дейди Зуҳриддинов.

"Тўғри кўплаб футболчиларимизнинг жуссаси кичик. Сиз 8-рақамли футболчимизни айтдингиз. Лекин шахсан мен икки нафар бўйдор футболчи бўлса ва Дониёр Ҳасанов бўлса мен Ҳасановни танлаган бўлардим. Сабаби ўша бўйдор футболчи Дониёр қилаётган ҳажмдаги ишни қила олмас".

"Клуб раҳбарияти биздан натижа талаб қилади. Ҳозир улар ҳам жамоамизнинг келажагига ишонишмоқда. Майдонга тушмаётган футболчилар ҳозирча етарли даражада спорт формасига эга бўлмагани учун захирада қолишмоқда. Яқин вақт ичида улар ҳам майдонга тушишади.

"Обод" ҳали "Локомотив" даражасида эмас, буни тан олишимиз керак. Лекин биринчи 40 дақиқада рақиб деярли вазият ташкил қилгани йўқ. Умид қиламанки кейинги турдан очко жамғаришни бошлаймиз. Ғайрат Умировнинг йўқлиги албатта таъсир қилмоқда. Жароҳатидан қутулишини кутаяпмиз.

Таркибга янги футболчиларни қўшиб олиш ниятимиз бор. Буни давралар оралиғида амалга оширамиз.

Link :

Source : championat.asia

Receive latest football news directly on your phone. Subscribe for our Telegram channel!

Rating: +3