Бобур Зуҳриддинов: "Ҳимоядаги хатолар қимматга тушди"
13 oct 2016 23:55
News

Бобур Зуҳриддинов: "Ҳимоядаги хатолар қимматга тушди"

Ёшлар Биринчилигининг 25-туридан ўрин олган "Сўғдиёна" - "Обод" (2:1) учрашувидан кейин жамоамиз устози Бобур Зуҳриддиновнинг фикрлари билан қизиқдик.

- Мағлубиятимизнинг асосий сабабларидан бири ҳимоядаги қўпол хатоларимиздир. Бугун ҳимоячиларимиз мени ранжитишди. Ёш болалар каби оддий хатоларга йўл қўйилди. Рости, йирик ҳисобда ютқазишимиз ҳам мумкин эди, лекин бахтимизга "Сўғдиёна" аъзолари хавфли вазиятларни голга айлантира олишмади. Бизнинг ҳимоячилардан фарқли равишда, мезбонларнинг ҳимоя "қўрғони" менда илиқ таассурот қолдирди. Бўйдор футболчиларни эътибордан четда қолдирган эканмиз, якунда бу мағлубиятимизга таъсир қилди. Шундай бўлса-да, биринчи бўлим тўлиқ бизнинг устунликда ўтди. Аммо футбол 90 дақиқадан иборат. Иккинчи бўлимда ўйин тизгисини мезбонларга топшириб қўйдик. Натижада икки тезкор гол туфайли ғалабамиз мағлубиятга айланиб кетди.

"Обод" ФК матбуот хизмати

Link :

Source : fcobod.uz

Receive latest football news directly on your phone. Subscribe for our Telegram channel!

Rating: +4