Latest news

00:34ЎФА собиқ терма жамоалар бўлими раҳбари: "Қозоғистон билан ўртоқлик учрашуви бўйича музокаралар олиб борилган эди, аммо..."  0 23:58Иван Бошкович: "Битта чиройли зарба ўйин тақдирини ҳал қилди"  1 23:37ЕЧЛ. "Қайрат" ўз майдонида "Реал"га йирик ҳисобда ютқазди, Мбаппедан хет-трик!  88 23:27Виталий Левченко: "Сафарда муҳим ғалабани қўлга киритдик"  4 23:13Отабек Нарзуллаев: "Ҳимоямизни анча яхшилаб олдик"  0 23:08ЕЧЛ. "Интер", "Ливерпуль", "Челси" ва бошқа жамоаларнинг асосий таркиблари маълум!  1 22:55Футзал. 2-тур 3-кунида "Насаф", СҚБ ва "Oil-Star"да ғалабалар  0 22:43Александр Хомяков: "Бизга тетиклик етишмади"  8 22:39Суперлига. "Сўғдиёна" – "Нефтчи" 0:1   2 22:23Луис Энрике "Барселона"ни мақтади  0 21:41Клопп эмас: "Ал Иттиҳод" бош мураббийлиги учун асосий номзодлар маълум қилинди  0 21:14"Бунёдкор" мураббийлари тақдирланди  0 21:00Суперлига. "Нефтчи" меҳмонда "Сўғдиёна"дан устун келди  40 20:56Суперлига. "Машъал" бир киши кам "Бухоро"ни мағлуб эта олмади  16 20:25"Ал Аҳли" устози: "Ультрас" бизга ҳеч қандай босим ўтказмайди. Бундай мухлислар кўз ўнгида футбол ўйнаш ёқимли"  13

BMB бразилиялик футзалчини таништирди News

BMB бразилиялик футзалчини таништирди

2021 йил декабрь ойида ташкил этилган BMB футзал клуби шу йилнинг ўзидаёқ олий лигага чиқишни мақсад қилган.

Бу мавсум футзал бўйича Ўзбекистон биринчи лигасида иштирок этаётган жамоа дастлабки 3 тур якунларига кўра, 23 очко билан биринчи ўринни эгаллаб турибди. Бу жамоа ўтказган 9 ўйинда 91та гол уришнинг уддасидан чиқди ва бу борада қойил қолса арзийди.


BMB футзал клуби кучли таркибга эга бўлишига қарамай, раҳбарият жамоани янада кучайтириш мақсадида бразилиялик футзалчини таклиф этди. Тўлиқ исми Фернандо Родригес де Соуза бўлган футзалчи Латвиянинг "Рапид" футзал клубидан таклиф этилди. Бугун пойтахтимиздаги "Wyndham" меҳмонхонасида янги меҳмонни кенг оммага таништириш маросими ўтказилди. 


Таништирув маросимидан олдин BMB футзал клуби асосчиси ҳамда президенти, BMB Trade Group компаниясининг Кузатув кенгаши раиси Бекзод Маматқулов сўзга чиқиб шундай деди:

- Юртимизда спортни жуда севишади. Айниқса ҳар бир фуқаронинг мунтазам спорт билан шуғулланиши ва шу орқали ўз соғлиғига эътибор бериши муҳтарам Юртбошимиз томонидан бот-бот такрорланмоқда. Биз ҳам яхши ният билан ўтган йил BMB футзал клубини ташкил этдик ва бу йилдан биринчи лига баҳсларида иштирок этишни бошладик.

- Насиб қилса, шу йилнинг ўзидаёқ олий лига йўлланмасини қўлга киритиб, келаси йил Ўзбекистон чемпиони бўлиш вазифасини қўямиз. Мен ўзим ҳам футбол ва футзални жуда севаман. Ҳафтада икки-уч марта бўш вақт бўлди дегунча йиғилиб тўп тепиб турамиз.

- Ўйлайманки, BMB футзал клуби Ўзбекистонда футзал ривожи учун муносиб ҳисса қўшади. Таркибни янада кучайтириш мақсадида бразилиялик легионерни таклиф этдик. Бундай трансферни футзал клублари орасида биринчи бўлиб амалга оширганимиздан хурсандмиз".


Шундан сўнг Фернандо Родригес де Соузанинг BMB футзал клуби билан шартнома имзолаш маросими ўтказилди. Шамтнома имзолаб бўлингач, клуб раҳбари Бекзод Маматқулов янги футзалчига 20-рақамли либосни топширди. Бугунги анжуманда BMB футзал клуби раҳбарияти билан биргаликда жамоа аъзолари, ЎФА  ва ПФЛ ходимлари, шунингдек ОАВ вакиллари иштирок этишди.


Таништирув маросимидан сўнг бразилиялик футзалчи журналистларга интервью берар экан, Ўзбекистонга фақат юқори мақсадларни кўзлаб ташриф буюрганини айтиб ўтди ва BMB футзал клубидаги ўйинлари орқали тез орада мухлислар ишончини қозонишга ҳаракат қилишини билдирди.

Х.Холиқов. 


Rating: +7   

Comments

championat.asia
< show latest news
Яндекс.Метрика