Биринчи лига. “Ғарб” минтақаси, 16-тур статистикаси

“Регистон”нинг мусобақадан четлатилгани натижасида ушбу жамоа иштирокидаги ўйинларда рақибига техник ғалаба ёзилмоқда. Ортда қолган тур статистикасини эътиборингизга ҳавола этамиз.

“ШЎРТАН”НИ МАҒЛУБ ЭТАДИГАН ЖАМОА БОРМИ ЁХУД ҒУЗОРЛИКЛАР ҲАМОН ПЕШҚАДАМ!
Мухтор Қурбонов бошқарувидаги “Шўртан” иккинчи босқич масаласини ҳал қилиш бирга, деярли олий лига йўлланмасини ҳам кўлга киритиб бўлди деса бўлади. Ғузорликлар чемпионатда шу кунгача атига битта дуранг қайд этди холос. Қолган барча учрашувларда фақат ғалаба қозонмоқда. Бўлиб ҳам рақибларини йирик ҳисобларда мағлуб этмоқда. Айниқса ўз майдонидаги баҳсларда “Шўртан” рақибларини ортиқча аяб ўтирмаяпти ва хоҳлаганича тўп киритмоқда.

Турнир жадвалида унинг кетидан “Хоразм” қувишда давом этмоқда. Бу йўлда урганчликларга ён қўшнилари “Орол” рақобатчилик қилмоқда.

Ўтган мавсум олий лигада иштирок этган “Гулистон” жорий йил мухлисларини ажаблантирмоқда. Афтидан бу жамоанинг иккинчи босқичга чиқиш масаласи ҳам қийиндек туюлмоқда.   
16-тур
«Спартак»  – «Хоразм»  – 3:1.
«Аланга» – «Орол» – 0:2.
«Гулистон» – «Шўртан» – 1:3.
«Ғаллакор-Автомобилчи» – «Ғиждувон» – 6:1.
«Шердор» – «Машъал-2» – 0:0.

ГОЛЛАР
* 17та гол
* 10та гол мезбонларга тегишли
* 7та гол меҳмонлар ҳисобига ёзилган
* Учрашувларнинг биринчи бўлимида 7та тўп киритилган
* 10та гол иккинчи бўлимда юз берган
* турнинг энг тезкор голи муаллифи Дамир Низанов бўлди. “Орол” аъзоси “Аланга”га қарши баҳснинг 10-дақиқасида ҳисобни очишга эришган.
* Аксинча 16-турнинг энг сўнгги 86-дақиқада киритилган. “Ғаллакор-Автомобильчи” ўйинчиси Мадамин Хожибеков айнан ушбу дақиқада “Ғиждувон” дарвозасига жамоасининг 6-голини уришга эришди.
* Ўйинларни бошқариб борган ҳакамлар жами 5та пенальти белгилаган. Эътиборлиси уларнинг барчаси гол билан якунланган.

* Пенальти тепган футболчилар:
Умид Жумаев (“Спартак”)
Сардор Сулаймонов (“Спартак”)
Мансур Абдуллаев (“Орол”)
Абдурасул Абдуғаниев (“Ғаллакор-Автомобильчи”)
Дилшод Очилов (“Ғиждувон”)
* 1та дубл. Тўпурарлар рўйхатини бошқариб келаётган Виктор Клишин ушбу турда ҳам иккита гол урган.
* 1та автогол. Марат Ҳошимов (“Хоразм”) “Спартак” билан ўйинда ўз дарвозасига кутилмаганда тўп киритиб юборган.
* Мазкур турда энг кўп гол урган жамоа “Ғаллакор-Автомобильчи” бўлди. Ўз майдонида “Ғиждувон”ни қабул қилган ғаллаоролликлар рақиб дарвозасига нақд 6та (!)та тўп киритишга муваффақ бўлди.


ОГОҲЛАНТИРИШ ВА ЧЕТЛАТИШ
* Ўйинларни бошқариб борган ҳакамлар жами 12та футболчига сариқ карточка кўрсатган.
* Мезбон жамоаларнинг 5 нафар ўйинчиси сариқ билан “сийланган” бўлса, меҳмонлардан 7та ўйинчига огоҳлантириш кўрсатилган.
* Биринчи бўлимда 6 нафар ўйинчи сариқ карточка олган бўлса, учрашувларнинг иккинчи таймида яна 6та футболчи сариқ билан “сийланган”.

* Турнинг интизомли жамоаси “Гулистон” ва”Спартак” бўлди. Бу жамоалар мазкур турда бирорта ҳам сариқ карточка олмади ва интизом борасида бошқаларга намуна бўлди.
* Аксинча “Аланга” футболчиларидан 3таси сариқ карточка олиб, турнинг энг қўпол жамоаси сифатида қайд этилди.
* 16-турда энг кўп карточка кўрсатилган ўйин ҳам айнан “Аланга” – “Орол” баҳси бўлди. Мазкур учрашувда бош ҳакам Дилшод Каримов футболчиларга жами 5та сариқ ва 1та қизил карточка кўрсатган.
* “Гулистон” – “Шўртан” тўқнашувида эса атига битта сариқ карточка қайд этилган холос.   

ТОМОШАБИНЛАР
16-турда бўлиб ўтган 5та ўйинга жами 2348 нафар томошабин ташриф буюрган. Ҳар бир ўйинга ўртача миқдорда 469 тадан  мухлис демакдир.
Албатта 5та ўйинга кирган ишқбозларни ҳаммасини ҳисоблаб, 2348 эканлигини кўриш ачинарли.
“Гулистон” олий лигадан тушиб кетгач, мухлисларнинг ҳам қизиқиши сўнган кўринади. Хусусан бу жамоанинг 18 июнь куни турнир пешқадами “Шўртан”га қарши ўйинига атига 37 нафар томошабин киргани учрашув қайдномасида ёзиб кўрсатилган.

Энг кўп ишқибоз ғаллаоролда кузатилди. “Ғаллакор-Автомобилчи” – “Ғиждувон” қарама-қаршилигини 1750 нафар ишқибоз бевосита стадионда кузатиб борган.

Мухлислар ташрифи кимда қандай?
«Шердор» – «Машъал-2» – 0:0. 152 томошабин.
«Ғаллакор-Автомобилчи» – «Ғиждувон» – 6:1. 1750 томошабин.
«Гулистон» – «Шўртан» – 1:3. 37 томошабин.
«Аланга» – «Орол» – 0:2. 330 томошабин.
«Спартак» – «Хоразм» – 3:1. 79 томошабин.


22 ИЮНДАН КЕЙИНГИ ВАЗИЯТ

№	Жамоа	Ў	Ю	Д	М	УГ - ЎГ	Т-Н	О
1	Шўртан	17	16	1	0	65 - 5	60	49
2	Хоразм	16	10	2	4	29 - 19	10	32
3	Орол	16	9	1	6	22 - 17	5	28
4	Зомин	16	8	3	5	15 - 12	3	27
5	Машъал-2	16	8	2	6	22 - 22	0	26
6	Спартак	17	8	0	9	23 - 32	-9	24
7	Шердор	16	6	4	6	15 - 21	-6	22
8	Ғаллакор Автомобилчи	16	6	2	8	26 - 31	-5	20
9	Аланга	17	5	3	9	26 - 37	-11	18
10	Гулистон	16	4	3	9	15 - 25	-10	15
11	Ғиждувон	16	3	3	10	18 - 33	-15	12
12	Регистон	17	2	2	13	10 - 32	-22	8

ТЎПУРАРЛАР:
Виктор Клишин (“Шўртан”) – 21та.
Солижон Хайруллаев (“Ғаллакор-Автомбильчи”) – 10та.
Низом Норов (“Хоразм”) – 8та.
Наврўзбек Хаипов (“Орол”) – 8та.
Александр Востриков (“Шўртан”) – 8та.

17-ТУРДА УЧРАШАДИЛАР
22 июнь (якшанба)
“Шўртан” – “Аланга” 8:0.
“Регистон” – “Спартак” -/+

23 июнь (душанба)
“Ғиждувон” – “Орол”
“Машъал-2” – “Хоразм”
“Ғаллакор-Автомобилчи – “Зомин”
“Шердор” – “Гулистон”

Исломбек Рустамбеков тайёрлади.