"Bild" "Бавария"нинг инқирозига ким айбдор эканини аниқлади
08 oct 2018 15:46
News

"Bild" "Бавария"нинг инқирозига ким айбдор эканини аниқлади

Германиянинг энг машҳур нашри "Bild" "Бавария"нинг бу инқирозига ким айбдор ва жавобгар эканлиги акс этган сарлавҳа остида мақола чоп этди.

"Bild"нинг ёзишича, "Бавария"да кузатилаётган инқирозда кўпроқ раҳбарият айбдор. Айнан улар мураббий танлашда ва трансфер сиёсатини олиб боришда хатога йўл қўйишган.

Сўровнома натижаларига кўра, раҳбарият 40% айбдор ва жавобгар деб топилган. Мураббий ва футболчилар эса 30%дан овоз олишган.

Эслатиб ўтамиз, янги мавсумда "Бавария" трансфер учун бир тийин ҳам ишлатгани йўқ. "Шальке" ярим ҳимоячиси Леон Горецка текинга қўлга киритилган бўлса, Серж Гнабри ва Ренату Саншеш ижарадан қайтишди.

Айни пайтда эса жамоанинг асосий вингерларидан бири ҳисобланган Коман жароҳатини тузатиш билан банд. Шунингдек, Корентен Толиссо, Рафинья ва Алаба жароҳат олишган.

Link :

Source : championat.asia

Receive latest football news directly on your phone. Subscribe for our Telegram channel!

Rating: +4