Биласизми? Олий лигада ғалаба қозонмаган фақат бир жамоа қолди
08 apr 2017 16:58
News

Биласизми? Олий лигада ғалаба қозонмаган фақат бир жамоа қолди

Олий лигада 5-тур учрашувлари ўз якунига етди. "Локомотив", "Бунёдкор", "Металлург" ва "Насаф" ҳозирча бошқаларга қараганда битта кам ўйин ўтказишган.

Қолган жамоалар бештадан учрашувда майдонга тушишди.

Бешинчи тур якунларига кўра, олий лигада ғалаба қозонмаган битта жамоа қолди: бу - "Нефтчи". Фарғоналиклар бешта ўйиннинг иккитасида дуранг ўйнаб, уч бор мағлуб бўлишди. Жамоа дастлаб Ғузорда "Шўртан"га имкониятни бой берган бўлса, кейин ўз майдонида "Пахтакор" билан дуранг ўйнади.

3-тур сафарда "Навбаҳор" билан дуранг қайд этган Андрей Фёдоров шогирдлари кейинги икки беллашувда мағлуб бўлишди. Жамоа "Қўқон-1912" ва "Бухоро"га мағлуб бўлди. Натижада "Нефтчи" бешта ўйиндан сўнг атиги икки очко тўплаган ва турнир жадвалида охирги ўринда боряпти. Тўплар нисбати 2-7.

Жамоа бош мураббийи Андрей Фёдоровнинг айтишича, ҳали ҳаммаси олдинда ва чемпионат энди бошланди. Эслатиб ўтамиз, "Нефтчи" кейинги турни ўз майдонида "Бунёдкор"га қарши ўтказади.

Link :

Source : championat.asia

Receive latest football news directly on your phone. Subscribe for our Telegram channel!

Rating: -2