Биласизми? Олий лигада бош ҳакамлар 1 млн. 400 минг сўмдан пул олишади

Эртага эса яна тўртта учрашув бўлиб ўтади. ПФЛ томонидан чиқарилган бу йилги регламентга бир қатор ўзгаришлар киритилган. Шулардан бири олий лигада ишлайдиган ҳакамлар оладиган пул билан боғлиқ бўлиб, уларга тўланадиган пул миқдори ҳаминқадар ошган.

Масалан, ўтган йил бош ҳакамлар олий лигада бошқарган ҳар бир ўйин учун 1 млн. 200 минг сўмдан пул олишган бўлса, бу йил ушбу сумма 200 мингга ошди. Эндиликда олий лига ўйинларини бошқарадиган ҳар бир ҳакамга ПФЛ томонидан 1 млн. 400 минг сўм тўланади. Қанот ҳакамларига 750 минг сўмдан (ҳар бирига) берилса, захирадаги ҳакам 180 минг сўм олади. Учрашув назоратчиси, шунингдек комиссар (яъни, ПФЛ ходими)га бир хил 600 минг сўмдан ҳақ тўланади.