Биласизми? "Бухоро" охирги 3 ўйиндан бери гол урмаяпти

Натижада "Бухоро"нинг кетма-кет мағлубиятлари сони учтага етди ва жамоа бўлиб ўтган охирги учта баҳснинг бирортасида тўп кирита олмади. Бухороликлар охирги марта ўз уйларида "Металлург"ни 2:1 ҳисобида мағлуб этишганди. Шундан сўнг жамоа сафарда "Навбаҳор" (0:2) ва ўз майдонида "Локомотив"га (0:1) имкониятни бой берди.

"Бухоро" иккинчи босқичнинг дастлабки учрашувини Тошкентда ўтказиб яна гол урмасдан ютқазиб қўйди. Қаторасига учта ўйинда ютқазиш бу йил "Бухоро" билан иккинчи бор рўй бермоқда. Биринчиси 9,10,11-турларда кузатилганди. Ўшанда Улуғбек Бақоев шогирдлари уйда "Навбаҳор", сафарда эса "Металлург" ва "Локомотив" клубларига имкониятни бой беришганди.

"Бухоро" Суперлиганинг 24-тур ўйинини 22 сентябрь куни  Тошкентда "Пахтакор"га қарши ўтказади.