Биласизми?

"Локомотив" сафига жорий мавсум аввалида келиб қўшилган Шуҳрат Муҳаммадиев, Мурод Бобожонов, Азизбек Омонов, Муҳаммад Коне, Блессинг, Идрис Бикмайкин, Бобур Давлатов каби футболчилар илк бор Ўзбекистон чемпиони номига сазовор бўлишди.

"Пахтакор"га иккинчи даврада ўтган Элдорбек Суюнов ва Шерзод Аъзамов эса кетма-кет бешинчи йил бронза медалларини қўлга киритишди.
Бу борада улар мутлоқ рекордчи бўлишди.

Мавсумни "Шўртан"да бошлаган Умар Эшмуродов эса давралар оралиғида "Насаф" ўтиб якунда кумуш медалларига эга чиқди. "Бунёдкор"дан "Насаф"га кўчиб ўтган Акмал Шораҳмедов қаторасига иккинчи йил кумуш медалларига сазовор бўлди. Ҳимоячи ўтган йили "Бунёдкор" билан 2-ўринни кўлга киритганди. Бу йили "Насаф" билан бу ишни такрорлади.

Шунингдек, "Пахтакор" устози Шота Арвеладзе бош мураббий сифатида илк бор совриндор бўлди.
Грузиялик мураббий "Пахтакор" билан бронза медалларини қўлга киритди.

Бу медал Арвеладзенинг мураббийлик фаолиятидаги илк соврин ҳисобланади.