Бэйл “Реал”даги энг қадрли ғалабаси қайсилигини ошкор қилди

“Агар “Реал” билан Чемпионлар Лигасидаги энг севимли ғалабамни танлаш керак бўлса, бу десима (ўнинчи титул) бўлар эди. Ўшанда илк марта мазкур кубокни кўтаргандим, финалнинг сўнгги дақиқаларида ғалаба қозониш эса – бу ўзгача туйғу.

Булар мен учун ажойиб хотиралардир

Яна бир қадрли кун – туғилган шаҳрим Кардиффда “Ювентус”га қарши Чемпионлар Лигаси финалидаги ғалаба. Ҳамма ҳам Чемпионлар Лигасини ўз уйимда ютганман, деб айта олмайди”, дейди Бэйл.

Эслатиб ўтамиз, 2013/14 йилги мавсум ЕЧЛ финалида “Реал” ҳамшаҳари “Атлетико”га қарши тўқнаш келган ва мадридликлар экстра таймларда (4:1) ғалабага эришиб, 10 титулни қўлга киритган эди. Гарет жамоасининг 2-голига муаллифлик қилган.

2016/17 йилги мавсумнинг ҳал қилувчи баҳсида эса "Қироллик клуби" асосий вақтда "Ювентус"ни йирик ҳисобда (4:1) таслим этганди.