Берти Фогтс: "Европадан рақиб топа олмадик, шу боис Ўзбекистон билан ўйнаймиз"
19 aug 2014 19:45
News

Берти Фогтс: "Европадан рақиб топа олмадик, шу боис Ўзбекистон билан ўйнаймиз"

Озарбайжон терма жамоаси бош мураббийи Берти Фогтс Ўзбекистонга қарши ўртоқлик учрашувидан олдин ташкил этилган матбуот анжуманида иштирок этди, деб хабар бермоқда azerisport.com.

«Шундай ўйин бўлиб ўтишидан хурсандман. Сўнгги бор терма жамоа АҚШга қарши ўйнаганди. Афсуски, ФИФА август ойи учун ўз кунларини белгиламади, бу кичик термалар учун қийин. Клубларга эса аксинча осонроқ. Мавсум олдидан улар 6-7 бор ўртоқлик учрашувини ўтказиб олишлари мумкин» - дейди Фогтс.

«Нима учун рақиб Ўзбекистон? Сабаби бу вақт учун Европадан жамоа топа олмадик, шу боис ҳам Ўзбекистон билан ўйнашга қарор қилдик. Бизга бу ўйин керак» - дейди Берти Фогтс.

«Агар биз барча клублардан футболчиларни чақирганимизда Озарбайжон клублари еврокубокларда ўз юришларини тўхтатишган бўларди. Бизнинг икки клубимиз Европа лигасида ўйнайди. Ушбу жамоа футболчилари юқори савиядаги икки ўйинни ўтказишади. Умид қиламанки, иккала клуб Европа лигаси гуруҳ босқичига йўлланма олади» - дейди мураббий.

Link :

Source : azerisport.com

Receive latest football news directly on your phone. Subscribe for our Telegram channel!

Rating: