Бензема Дешам билан можаро туфайли Франция терма жамоасидаги фаолиятини якунлаши мумкин

Бу ҳақда AS нашри хабар бермоқда.

Футболчи ва бош мураббий ўртасидаги можаро Бензема жароҳати туфайли майдонга тушмаган Жаҳон чемпионати вақтида келиб чиқди. Мураббий Бензема даволаниш вақтида алоқага чиқмаганидан ҳайрон.

Бензема президент Эммануэль Макроннинг Қатардаги ЖЧ финалига келиш таклифини рад этди.

54 ёшли Дешамнинг амалдаги шартномаси 2022 йилнинг 31 декабрида якунига этади. Мураббий 2012 йилнинг июлидан буён терма жамоани бошқариб келмоқда. Ўн йил ичида францияликлар жаҳон чемпиони (2018),  Миллатлар Лигаси ғолиби (2021) ва иккита мусобақа кумуш медали соҳиби бўлишди: Европа чемпионати (2016) ва Жаҳон чемпионати (2022).