Бенитес "Реал"да қолади, Роналду ҳеч қандай ультиматум қўймаган

"Бенитесга бўлган ишончимиз юқори. Биз унга ишонишда давом этамиз. Мухлисларнинг ҳолатини яхши тушунаман. Лекин ҳозир ақл билан иш қилиш зарур. Ишқибозларимиз жамоа ва футболчиларга ишонишлари лозим. "Реал" "Барселона"га қарши жуда ёмон ўйнади. Лекин бу футболчилар ўз ишларига нотўғри муносабатда дегани эмас. Мухлисларимизнинг талаб истакларини ҳурмат қиламан ва тушунаман. "Реал" мухлислари жуда талабчан. Ўйинга қандай таркибни қўйишни эса бош мураббий ҳал этади. Бу клубда жуда кўплаб мураббийлар ишлашган ва ҳар доим таркибда кимни туширишни ўзлари ҳал этишган", - дейди Флорентино Перес.

Флорентино Перес шунингдек бош мураббийни истеъфога чиқариш мавзуси клубда кўтарилмаганини ҳам айтиб ўтди.

"Клуб кенгашида ҳеч бир инсон бош мураббий масаласи борасида тўхталмаган. Истеъфо ҳақида ҳеч қандай гап-сўз бўлгани йўқ. Биз Бенитесга ишлашга имкон берамиз. Ҳеч бир футболчи, хусусан Роналду ҳам Бенитесни бўшатиш керак деб айтмаган. Криштиану мени ёки Бенитесни танлайсиз деб ҳам айтмаган. Кўпчилик менсиз "Реал"га янада яхши бўлади деб ўйламоқда. Мен бунга қўшилмайман. Роналду сотиш борасида ҳам мен ҳеч ким билан гаплашганим йўқ. Бу ёлғон маълумот. Бенитесга ишонмаслигимиз ҳақидаги хабарлар ҳам уйдирма", - деди Флорентино Перес.