Бен Арфа ПСЖга қарши судда ютиб чиқди

У иш ҳақи ва маънавий зарар учун 100 минг евро товон пули олади.

Бен Арфа 2016 йилдан 2018 йилгача ПСЖ ўйинчиси бўлган. 2017 йилнинг апрелидан 2018 йилнинг июнига қадар парижликлар асосий жамоасидан четлатилган. У буни адолатсизлик деб ҳисоблаган.

Франциялик футболчи Париж клубидан шартномага риоя қилмагани учун 7 миллиондан 8 миллион еврогача товон пули талаб қилди.

ПСЖ сафида Бен Арфа барча мусобақаларда 32 та ўйин ўтказиб, 4 та гол урган ҳамда 7 та голга ҳаммуаллифлик қилган.