Бьелса Уругвай терма жамоасида иш бошлайди

Журналист Сезар Луис Мерлонинг айтишича, музокаралар якуний босқичда. Шартнома ЖЧ-2026 саралаш босқичи якунига қадар амал қилади, агар жамоа саралашдан ўтса, у узайтирилиши мумкин.

Ҳозир терма жамоани Марсело Броли шуғуллантирмоқда. У февраль ойида Диего Алонсо кетганидан кейин вақтинчалик бош мураббий этиб тайинланганди. Уругвай унинг қўл остида Кореяни мағлуб этди (2:1, 28 март), Япония билан дуранг ўйнади (1:1, 24 март).