Бельгия иккинчи дивизиони клуби спорт директори Азарни таклиф қилиш ғояси ҳақида гапирди

Бельгиянинг "Вестерло" жамоаси иккинчи дивизионда ишончли тарзда пешқадамлик қилмоқда ва энг яқин таъқибчисидан 10 очкога ўзиб кетди. Клубнинг юқори дивизионга кўтарилиш имконияти юқори, шу сабабли клуб спорт директори Ҳасан Четинкая "Реал Мадрид"да омади чопмаётган Эден Азарни таклиф қилиш ғояси ҳақида гапирди.

"Эден Азарни ўз дўстим деб ҳисоблайман, чунки у билан илк марта "Лилль"да ўйнаб юрган пайтларида танишганман. У менга бир кун келиб "Фенербахче"да ўйнашга ваъда берди. Уни "Вестерло"га боришга кўндириш қийинроқ бўлади, лекин эртага нима бўлишини билмайсиз. Вақти келиб, Азар фаолиятини шу ерда якунлаши мумкин", - деди клуб директори.