Беларусь клублари ўртасидаги беллашувни манекенлар томоша қилди
09 apr 2020 01:45
News

Беларусь клублари ўртасидаги беллашувни манекенлар томоша қилди

Бугун, Беларусь Кубоги ярим финали доирасида Брестда ўтган мезбон “Динамо” ҳамда “Шахтёр” (Солигорск) илк учрашувни (2:0) ноодатий мухлислар кузатиб боришди.

Брестликлар илк марта виртуал чипталар сотувини йўлга қўйишди. Стадион трибуналарининг бир қисмига эса ҳақиқий ишқибозлар ўрнига манекенлар жойлаштирилди ва уларга клуб мухлисларининг расми қўйиб чиқилди. “Динамо” клуби матбуот хизматининг хабар беришича, виртуал чипталар сотувидан тушган маблағнинг маълум қисми мамлакатда коронавирусга қарши кураш учун хайрия қилинади.