Бекзод Қодирқулов: "Ой охирида барча билан тўлиқ ҳисоб-китоб қилинади деган умиддамиз"

"Бугун қийин ўйин бўлди. Иккала жамоа ҳам ўтган турларда ютқазганди ва шу боис бугун ғалаба учун майдонга тушишди. Йигитларга раҳмат айтаман, улар охиригача курашишди. "Арал" асосан бўйдор ҳужумчиларга узун пас бериш орқали ўйнашини билардик, бунга тайёр эдик. Тезкор гол ҳам бизга ёрдам берди. Кетма-кет мағлубиятдан кейин бугунги ғалаба йигитларга яхши кайфият олиб келди. Аввало бу ғалабани сирдарёлик ва янгиерлик футбол мухлисларига бағишлаймиз", - дейди Бекзод Қодирқулов.

- "Янгиер" бугун ниманинг ҳисобига ғалабага эришди?
- Бугун футболчиларим охирги ўйинга чиққандек ўйнашди. Барча ўйинчиларим бир жамоа бўлиб ўйнади.

- "Янгиер"нинг ҳозирги мақсади қандай?
- "Янгиер" доим ўз олдига ҳар бир баҳсда ғалаба қозониш учун ўйнайди. Кейинги йилга тайёргарликни ҳозирдан бошладик. Йигитлар буни ҳис қилиб туришибди.

- Клубнинг молиявий ҳолати қандай?
- Барчаси жойида, ойлик ва маошлар ўз вақтида бериб борилмоқда. Клубимиз раҳбари Маҳмуд ака Шерқуловга раҳмат айтаман. Ҳар томонлама ёрдам бериб турибдилар. Ўзлари ваъда бергандек ой охирида барча билан тўлиқ ҳисоб-китоб қилинади деган умиддамиз.