Бейлнинг трансфери "Реал"нинг миллиард чегарасидан ўтказди
03 sep 2013 10:04
News

Бейлнинг трансфери "Реал"нинг миллиард чегарасидан ўтказди

Гарет Бэйл учун аталган 100 миллион евро, "Реал"ни сўнгги 10 йиллик трансфер бозорида ишлатган умумий ҳаражатини 1 миллиард евро чегарасидан ўтишига замин яратди.

"Реал" учун 10 йилликдаги энг омадсиз бўлган трансферлар ойнаси сифатида 2007/08 мавсумни кўрасатишимиз мумкин. Аслида ҳарид қилинган футболчилар кейинчалик бошқа жамоаларда ЕЧЛда ғалаба қозониб, сифат борасида ҳозирги футболчилардан кам эмасликларини исботлашди. Аммо, Роббен, Снейдер, Дренте каби футболчиларнинг Мадриддаги ишлари юришмади. 10 йиллик тарихда энг катта суммани Перес жаноблари 2009/10 йилги мавсум учун ишлатган. Роналду, Кака, Алонсо, Бензема, Альбиоль, Негредо, Арбелоа ва Гранеро учун нақд 257.4 млн евро кетган.

Англия премьер-лигасида катта шуҳрат қозонган Бэйл жаҳон футболи тарихидаги энг қиммат футболчи сифатида қироллик жамоаси аъзосига айланди. "Реал" тарихидаги нархлардан келиб чиқиб айтадиган бўлсак, Бейлни Роналду, Роналдо, Зидан ва Фиго каби футболчилардан устунлигини кўрмаймиз. Аксига олиб Бэйл йўлида Озил қурбон бўлди. Шахсий фикрим, бу "Реал"нинг сўнгги йиллардаги энг катта хатоси.

Қуйидаги инфограмма орқали "Реал"нинг сўнгги 10 йилдаги трансферини кўришингиз мумкин.

Link :

Source : sports.ru ва championat.asia

Receive latest football news directly on your phone. Subscribe for our Telegram channel!

Rating: