Бахтиёр Давлатов хотира турнир якунланди
30 apr 2015 13:33
News

Бахтиёр Давлатов хотира турнир якунланди

Кеча Янгиерда бир ҳафта давом этган марҳум футболчи , Бахтиёр Давлатов хотирасига бағишланган турнир ўз якунига етди.

Марказий майдонда совринли ўринлар учун икки ўйин бўлиб ўтди.

Дастлаб мусобақанинг ярим финалида мағлубиятга учраган "Машъал" ва "Жиззах" жамоалари учинчи ўрин учун майдонга чиқишди. Бу ўйинда вакилларимиз 2:3 ҳисобида жиззахлик ўсмирларга имкониятни бой бериб қўйди. Мусобақа ташкилотчилари ҳар икки жамоа вакилларига бронза медаллари ва эсталик совғалари билан тақдирлади.

Финал баҳсида эса "Насаф" ва "Чимкент" майдонга чиқди. Кескин ва муросасиз ўтган баҳснинг асосий қисмида 1:1 ҳисобида дуранг қайд этилди. Пенальтилар сериясида эса қозоғистонлик ўсмирларнинг қўли баланд келди ва чемпионликка эришди.

Шундан қилиб Бахтиёр Давлатов хотираси учун иккинчи марта ўтказилаётган , 2000 йилда туғилган ёшлар ўртасидаги турнир якунига етди.

Ўйин якунида ғолиб ва совриндорлар мусобақа ташкилотчилари томонида тақдирланди. "Машъал" ПФКнинг эсталик совғасини эса жамоамиз бошлиғи Дилявер Ваниев Бахтиёр Давлатовнинг оила-аъзоларига топширди.

Link :

Source : fcmashal.uz

Receive latest football news directly on your phone. Subscribe for our Telegram channel!

Rating: