Бахтиёр Ашурматов: "Бухоро" ва "Сурхон"ни ўз майдонида мағлуб эта олмайдиган мураббийдан норози бўлишлари аниқ"

- Бахтиёр ака, ўйин ҳақидаги фикрларингиз қандай?

- Гапнинг очиғи, биринчи таймда ўйинни назорат қилдик. Афсуски, иккинчи бўлимда устунликни "Сурхон"га бериб қўйдик. Бўш қолган зоналар ёпиш, ўйин тизгинини ўзгартириш учун янги футболчиларни майдонга туширдик. Лекин "Сурхон" хужумчиси Нимелининг индивидуал маҳорати сабаб рақиб пенальти ишлади ва уни муввафақиятли амалга оширди. Ўйинга тузган режаларимиз ўхшамади, иккинчи бўлимда, айниқса.

- Иккинчи бўлимда ташаббус рақибга  бериб қўйилди. Танаффусда 1:0 ҳисобини сақлаб қолишга кўрсатма берган эдингизми?

- Йўқ, кўрсатма бермаган эдим. 1:0 ҳисоби ҳар доим қалтис ҳисобланади. Шу сабабли, биз иккинчи голни уришга интилаётган эдик, бунинг учун эса прессинг қилишимиз керак эди. Биз иккинчи таймнинг 20-дақиқаларига қадар вазифани бажара олдик. Ўйин сўнгида эса ҳисобни сақлаб қола олмадик. Бу биз учун ёмон натижа, чунки барча жамоалар ўзига кела бошлади. Шундай вазиятларда мураббий касбининг қийинчиликларини ҳис қилдим. Кеча бизни кўкка кўтараётган инсонлар бугун бизни танқид қилишмоқда, лекин ашаддий муҳлисларимиз бизни қўллаб-қувватлашда давом этмоқда. Биз кейинги ўйинларни "Бунёдкор" ва "Олимпик"га қарши ўтказамиз. Бу учрашувлар биз учун жуда муҳим. Мен танқидни тўғри қабул қиламан. Биз яхши таркиб йиғдик  лекин яхши натижага эриша олмаяпмиз. "Бухоро" ва "Сурхон"ни ўз майдонида мағлуб эта олмайдиган мураббийдан норози бўлишлари аниқ. Йигитлар борини бериб ўйнашмоқда. "Насаф" ва "Сурхон"га қарши баҳсларда фақатгина "Бухоро"га қарши учрашувда ўйинимиз яхши чиқмади. Мухлисларимиз қўллаб-қувватлаши билан натижаларни яхшилаймиз. "Аутсайдер" мақоми бизнинг таркибга тўғри келмайди.