Бахтиёр Ашурматов: "Бугун ғалаба қозонмасак бўлмасди"
11 aug 2013 09:12
News

Бахтиёр Ашурматов: "Бугун ғалаба қозонмасак бўлмасди"

"Гулистон" - "Сўғдиёна" учрашувидан сўнг майдон эгалари бош мураббийи Бахтиёр Ашурматовнинг фикрлари билан қизиқдик.

"Охирги пайтда жамоа мағлубиятларга ўралашиб қолгандик. Бугун ғалаба қозонамасак бўлмасди. Шу сабабли йигитлар яхши тайёргарлик кўришди ва яратганга шукр юзимиз ёруғ бўлди. Ўзимизга керакли ғалабани қўлга киритдик.", - деб гап бошлади Бахтиёр Ашурматов.

"Ўйиннинг дастлабки 15-20 дақиқасида ташаббус "Суғдиёна" жамоасида бўлди, тўпни улар кўпроқ ушлаб туришди. Кейин эса шогирдларим устунликни ўз қўлларига олишди ва иккита гол уришга эришдик. Иккинчи бўлимда эса жамоам кўпроқ ҳимояга эътибор қаратишди. Лекин мен учрашув охиригача ҳужумкор ўйин намойиш этишлари кераклигини уқтиргандим. Мен ўйлайманки бугунги ғалаба жамоа мухлислари ва жамоани ўзи учун ҳам жуда муҳим эди. Шу сабабли мухлисларимизни ғалаба билан табриклайман".

Энвер Гафаров ёзиб олди

Link :

Source : championat.asia

Receive latest football news directly on your phone. Subscribe for our Telegram channel!

Rating: