"Бавария"ни ЕЧЛдан чиқариб юборган "Вильярреал" Ла Лиганинг 14-жамоасини енга олармикин?

Уларнинг ичида шубҳасиз, ЕЧЛ ярим финал иштирокчиси "Вильярреал"нинг "Хетафе" билан тўқнашуви испан футболи ишқибозлари эътиборида бўлади.

Испания чемпионати доирасида ушбу клубларнинг ўзаро ўйинлар статистикасига эътибор қаратадиган бўлсак, охирги 5 ўйиннинг барчасида "Вильярреал" зафар қучган — 2 марта 3:1 ҳисоби ва қолган ўйинларда 1:0 натижаси қайд этилган.  

Хетафе

"Хетафе" мавсум аввалида Испания Кубоги доирасида "Молерусса"ни йирик ҳисобда мағлуб этди (5:1). Бироқ кейинги босқичда кутилмаганда "Атлетико Балеарес"дан қақшатқич зарба қабул қилиб олди (0:5).

Примерада жамоа 31-турга келиб, 7 ғалаба ва 11 дуранг билан 32 очко жамғарган. Аввалига "Мальорка"ни енгган (1:0) Кике Санчес Флорес шогирдлари ўтган турда "Реал"га ютқазиб қўйишди (0:2) ва 14-поғонани банд этиб туришибди. 

Бугун мезбонларга Хонатан Силва, елкасидан жароҳат олган Мата ва дисквалификация сабаб Жене Даконам ёрдам бера олмайди.

"Вильярреал"

"Вильярреал" Чемпионлар Лигасини ишончли тарзда ўтказди. Плей-оффнинг дастлабки босқичида Эмери шогирдлари кўпчилик учун кутилмаганда "Ювентус"ни осонлик билан таслим қилишди (икки ўйин натижасига кўра 4:1). Чорак финалда эса яна бир номдор рақиб "Бавария"га (икки ўйин натижасига кўра 2:1) чиқиш эшиклари кўрсатилди.

Ла Лигада меҳмонлар 12 ғалаба ва 10 дуранг билан 46 очко жамғарган. Еттинчи ўринда бораётган "сариқ сувости кемаси" ўтган турда "Атлетико" билан (1:1) дуранг қайд этганди.

Бугун жамоага Булае Диа ва Альберто Морено ёрдам бера олишмайди.

Яқин кунларнинг энг шов-шувли сенсацияларидан бирининг "айбдори" бўлган "Вильярреал"нинг ички чемпионатдаги ишлари унчалик юришмаяпти. Тўғри, кайфият аъло даражада, аммо "Бавария" билан жавоб баҳсида кўп куч йўқотилгани ҳам бор гап. Ҳар икки томондан эҳтиёткорлик ва кам сонли гол(лар) кутилаётган баҳсда Унаи Эмери жамоаси ғалаба учун ҳаракат қилади. Фақат шу йўл билан еврокубоклар зонасига яқинлашиб олиш мумкин. 

Ла Лига. 32-тур
"Хетафе" - "Вильярреал"
Хетафе, "Колозеум Альфонсо Перес" ўйингоҳи

Getafe Enes Unal - 63'

LaLiga . Round 32 17/04/2022, 01:00 2 : 1 Finished

Villarreal Gerard Moreno - 7', Manuel Trigueros - 16'

Stadium: Coliseum Alfonso Perez, 9657 spectators

Referee: Pablo Gonzalez

45'

90'

20'  Damian Suarez

46'  Erick Cabaco (Borja Mayoral)

46'  Carles Alena (Oscar Rodriguez)

60'  Mauro Arambarri

63'  Enes Unal

63'  Mathias Olivera

77'  Sandro Ramirez (Gonzalo Villar)

82'  Quique Sanchez Flores

84'  Damian Suarez (Juan Iglesias)

7'  Gerard Moreno

7'  Paco Alcacer

16'  Manuel Trigueros

16'  Gerard Moreno

61'  Paco Alcacer (Arnaut Danjuma)

61'  Gerard Moreno (Giovani Lo Celso)

68'  Samuel Chukwueze (Yeremi Pino)

68'  Daniel Parejo (Etienne Capoue)

84'  Manuel Trigueros (Moi Gomez)

Open in Match Center

Ла Лига ишқибозлари учун ушбу телеграм-канални тавсия қиламиз.