“Бавария” янги рекорд соҳибига айланиши мумкин

Бавария федерал округи шарафини ҳимоя қилувчи икки жамоа бахси кўпчиликда катта қизиқиш уйғотмоқда. Сўнгги етти йил давомида “Бавария” футболчилари бирорта ҳам дербида имкониятни бой берганлари йўқ.

“Аугсбург” ҳам “Нюрнберг” ҳам,  “Фюрт”, “Регенсбург”, “Ингольштадт”, “Бургхаузен”, “Мюнхен 1860” ҳам округ бош жамоаси олдида ожиз қолиб келмоқдалар. Умумий ҳисобда сўнгги 24 дерби Пеп Гвардиола шогирдлари ғалабаси билан якунланган. Бундан ташқари бугун агар "Бавария" муваффақиятга эришса, бундеслига доирасида қаторасига 37 ғалабани қўлга киритиб, янги рекорд сохибига айланади.

Мюнхенликлар янги рекорд ўрнатишни уддалай олармиканлар?! Буни бир неча соатдан сўнг билиб оламиз…

Зохиржон Акрамхонов тайёрлади