“Бавария” яна бир футболчиси билан шартномасини узайтиради

“Бавария” жамоа ярим ҳимоячиси Тиаго Алькантара билан шартномани узайтириш бўйича келишувга эришди. Томонларнинг янги келишув 2023 йил ёзига қадар мўлжалланган. Қайд этилишича, ҳозирча ҳал қилиниши керак бўлган кичик деталлар қолган, холос.

Тиагонинг амалдаги шартномаси 2021 йил ёзида якунига етиши белгиланганди.

28 ёшли футболчи 2011 йил “Барселона”дан 25 млн евро эвазига “Бавария” кўчиб ўтганди. Тиаго жорий мавсум мюнхенликлар сафида 32 та ўйинда қатнашиб, 3 та гол урди ва 2 та голли узатмани амалга оширди.

Эслатиб ўтамиз, аввалроқ клуб Томас Мюллер билан ҳам шартномани 2023 йилга қадар узайтирган эди.