"Бавария" трансфер сиёсатини ўзгартиришни режалаштирмоқда. Клуб фойда билан қайтиб сотиш учун ёш ўйинчиларни харид қилмоқчи

Германия чемпиони қийин иқтисодий вазият сабаб "клуб сотиш учун эмас" статусини рад этиш имкониятини кўриб чиқмоқда.

Ҳозирда "Бавария"да қиммат нархдаги юлдузларни харид қилишга маблағ йўқ. Энди Мюнхен клуби 2-4 йил давомида ривожлантириш ва катта товон пуллари эвазига сотиш учун 20-22 ёшли иқтидорли ўйинчиларни харид қилиш мақсадини режалаштирмоқда.

Бундан ташқари, "Бавария" Австрия ва Бельгия олий лигалари клублари билан ҳамкорликни яхшиламоқчи, бундан мақсад у ерга ёш ўйинчиларни ижарага юборишдан иборат. Австрияда бу клуб "Аустрия Клагенфурт" бўлиши мумкин.