"Бавария" таркибида жиддий ўзгаришлар бўлади

Маълумотларга кўра, Германиянинг амалдаги чемпионлари трансфер мақсадларини аниқлаб олишди. "Бавария" ёзда "Лион" ярим ҳимоячиси Набиль Фекир, "Лилль" ҳужумчиси Николья Пепе ва "Марсель" хавбеки Флорьян Товенни харид қилмоқчи.

Фекир мюнхенликлар таркибида "Реал"га қайтадиган Хамес Родригес ўрнини эгаллайди. "Лион" футболчисининг шартномаси 2020 йилда якунига етади ва ёзда уни 40 млн. еврога сотиб олиш мумкин бўлади. Пепе Франк Рибери ёки Арьен Роббен ўрнини эгаллайди. Унинг нархи 60 млн. евро. Агар "Марсель" Чемпионлар лигасига чиқа олмаса Товен клубни тарк этади. Уни 45 млн. еврога баҳолашмоқда.