“Бавария” Кейлор Навасни 10 млн. еврога сотиб олди

Германия чемпионлари 27 яшар посбоннинг трансферига 10 миллион евро тўлайди, деб хабар бермоқда, Teletica Deportes.

Манба маълумотига кўра, “Леванте” ўзаро келишувга биноан ушбу суммадан 2 миллион евросини Наваснинг ўзига беради. Кейлорнинг “Бавария”га кўчиб ўтганини испан клуби вице-президенти Томас Перес ҳам тасдиқлади.

“Навас бу трансфернинг амалга ошиши учун ҳақли равишда меҳнат қилди. Жаҳон чемпионатидаги ишончли ўйини билан Европа грандлари нигоҳини ўзига қарата олди. Ўз ўрнида биз ҳам бу трансфердан хурсанд бўлдик. Кейлор Мануэл Нойерга жиддий рақобат қила олади”, - деди  Перес.

Шу тариқа, “Бавария” Навасга курашда “Атлетико” ва “Порту” клубларини ортда қолдиришга муваффақ бўлди.