"Бавария" Дэвис туфайли Канадани судга бермоқчи
31 mar 11:44
News

"Бавария" Дэвис туфайли Канадани судга бермоқчи

"Бавария" бошқарув раиси Ян-Кристиан Дрезен терма жамоада Альфонсо Дэвисга нисбатан эҳтиёткорлик билан муносабатда бўлишмагани учун Канада футбол ассоциацияси устидан судга мурожаат қилинишини айтди.

Бу ҳақда "Bild" ёзмоқда.

24 ёшли ҳимоячи КОНКАКАФ Миллатлар Лигасида учинчи ўрин учун АҚШга қарши ўйинда (2:1) жароҳат олди. Текширувдан сўнг канадалик ҳимоячи тиззасининг хочсимон боғлами узилгани аниқланди, шу сабабли футболчи бу мавсумда бошқа майдонга тушмайди.

Дэвиснинг агенти мижозининг жароҳатида Канада терма жамоаси мураббийлар штабини айблади. Бу фикрга Дрезен мисолида "Бавария" раҳбарияти ҳам қўшилди.

"Тиззаси шикастланган футболчини пухта тиббий кўрикдан ўтказмасдан 12 соатлик қитъалараро парвозда олиб юриш, фикримизча, бепарволик ва тиббий назоратни бузишдир.
Биз Канада футбол ассоциациясидан воқеа бўйича тўлиқ текширув ўтказишни талаб қиламиз ва қонуний чоралар кўриш ҳуқуқимиз борлигини эслатиб ўтамиз.
Ўйиндан олдин мушакларида муаммо бўлган Дэвиснинг спорт аҳамиятига эга бўлмаган ўйинда иштирок этиши бизнинг нуқтаи назаримизда тушунарсиздир”, – деди Дрезен.

Эслатиб ўтамиз, Мюнхен клуби яқинда Дэвис билан янги узоқ муддатли шартнома имзолаган эди.

Link :

Source : Bild

Receive latest football news directly on your phone. Subscribe for our Telegram channel!

Rating: