"Барселона"нинг янги устози Херардо Мартинонинг услуби

Рақиб майдонида прессинг ташкил этиш
Мартинонинг жамоаларини ўйинларидаги асосий сифатларидан бири  тўпни қайтариб олиш учун рақиб майдонида прессинг ташкил этишади. Мураббий тўпга эгалик қилиш ва янги ҳужумларни ташкил қилиш учун ўйинчилардан доимо рақиб майдонида тинмасдан ҳаракатланишни талаб қилади.

4-3-3, лекин ўзгартиришлар билан
Охирги иш жойи “Нюеллс” жамоасини 4-3-3 тактикаси туфайли Жанубий Америка “Барса”си деб аташарди, бунга тактиканинг кўриниши ҳам хақиқий исботдир. Лекин зарурат туғилса тажрибалар қилиб боришга қобилияти бор.

Руҳлантирувчи
Тата Мартино техника ва тактикаларидан ташқари ажойиб нотиқлик санатига ҳам эгадир. У  ўйинчиларга керакли хабарларни бериб боришга қодир мураббийдир ва доимо ўзаро ҳурматга интилади.

Деталларга қайғуриш
Мартинонинг ҳамма ёрдамчилари уни тартибли ва аниқликни яхши кўрадиган мураббий деб билишади. Иш пайтида ҳамкасблари деталларга риоя қилишини талаб қилади.

Белса шогирди
Мартино барча интервюларида фақатгина битта мураббийни ёқтиришини айтган, бу  Марсело Белса. У ҳаммадан энга зўри. У ҳар қандай вазиятларга йўл топа олади. Бундан ташқари у иродали эканлиги билан ҳам обрў топган. Бироқ унинг устози билан фарқи, Мартино қизиққон эмас ва вазиятларга ҳушёрлик билан баҳо беради.

Кийиниш услуби
Мартино доимо қулайликка интилади, шунинг учун ҳам жамоа фақат спорт либосларини кияди. Менга дабдабали юриш ёқмайди, худди тўйга бораётгандек бўламан.

Жамоавийлик
Мартино жамоавий ўйин тарафдори, якка маҳоратлиларга кўзини юмиб келган, бунақаси “Барса”да оз эмас. У жамоа муваффақиятларга эришиши учун бирлашиши керак деб ҳисоблайди.

Камтарлик ва соддалик
Мартино ўзини кўз-кўз қилишни ёқтирмайди, у камтарлик ва соддаликни афзал билади. У оддийликни яхши кўрадиган ва бошқаларга ўрнак бўла оладиган инсондир.

Barsamania.com сайтидан Жавлонбек Юсупов таржима қилди