“Барселона”нинг собиқ посбони ижтимоий тармоқдаги акаунтларини ўчириб ташлади

Нашрнинг ёзишича, 1 январь куни 35 ёшли футболчи Твиттер ижтимоий тармоғида йўл тасвири туширилган суратни  ва унга “барчаси учун раҳмат” деган ёзувли постни жойлаштирганди. Шу тариқа у футболчилик фаоялитини якунлаганига ишора қилмоқчи бўлган дея тахмин қилинмоқда. 2015 йилда футболчи фаолиятини якунлагач, бор эътиборини оиласига қаратиши ҳақида гапирганди: “Қачондир прожекторлар ўчиб, фаолиятимни якунласам, болаларим билан сайр қилиб, уларнинг тарбиясига эътибор қаратаман. Умид қиламанки, бу вақт келганда, мени топиш жуда қийин бўлади”.

Ўтган йили август ойида турли клублардан таклифлар бўлаётганлигига қарамай бутсаларини михга осишга қарор қилганлиги ҳақида хабарлар чиққанди. Дарвозабон 2002 йидан 2014 йилга қадар “Барселона” шарафини ҳимоя қилган. Бу давр оралиғида у олти марта Испания чемпиони (2005,2006,2009, 2010, 2011,2013) уч бор Чемпионлар лигаси (2006, 2009, 2011), икки бор Испания кубоги (2009, 2012) ва клублар ўртасида жаҳон чемпионати (2009, 2011)да ғолиб чиққан. Испания термаси таркибида Жаҳон (2010) ва Европа (2012) чемпионига айланган. “Барселона”дан кейин Вальдес “Манчестер Юнайтед”, “Стандарт” ва “Мидсбро”дан фаолият юритган.