"Барселона"га қарши ўйиндан кейин "Реал" Анчелоттининг кетишини эълон қилади
07 may 00:53
News

"Барселона"га қарши ўйиндан кейин "Реал" Анчелоттининг кетишини эълон қилади

"Реал" "Эл Класико"дан кейин Карло Анчелоттининг жамоадан кетишини маълум қилади.

Аввалроқ, Мадрид клуби ва мураббий ҳамкорликни тўхтатишга келишиб олганлари маълум бўлганди. Marca хабарига кўра, томонлар бу ҳақда 11 май куни бўлиб ўтадиган "Барселона"га қарши ўйиндан кейин ва 14 май кунги "Мальорка"га қарши ўйингача расман эълон қилишади.

Анчелоттининг мавсум якунланишидан олдин кетишини эълон қилиш қарори унинг Бразилия терма жамоасига ўтиши билан боғлиқ - Бразилия футбол конфедерацияси мураббий 18 майгача шартнома имзолашини хоҳламоқда. Ўша куни 2026-йилги Жаҳон чемпионати саралаш босқичи доирасида Парагвай ва Эквадорга қарши июнь ойида ўтказиладиган ўйинлар учун терма жамоа таркиби эълон қилинади.

Клуб ҳам, Анчелотти ҳам бу хабар футболчиларни чалғитмаслигига, аксинча, уларни мураббий билан муносиб тарзда хайрлашишга ундашига ишонишмоқда.

Link :

Source : Marca

Receive latest football news directly on your phone. Subscribe for our Telegram channel!

Rating: +1