Latest news

01:23Суҳроб Иззатов: "Бир метрдан очиқ дарвозага ҳам тўп кирмаяпти"  1 00:54Зоир Жўрабоев: "Суперлигада учта гол урганман ва уларнинг барчаси "Бунёдкор" дарвозасидан ўрин олган"  0 00:39Луис Качорри: "Бугун "Бунёдкор" билан ўз майдонимиздаги сўнгги ўйиним бўлиши мумкин"  0 00:17Одил Ҳамробеков биринчи даврада унга энг кўп қийинчилик туғдирган футболчи кимлигини айтди  0 00:09Клублар ўртасидаги ЖЧ-2025. "Фламенго" - "Бавария" баҳсининг асосий таркиблари маълум қилинди  4 23:48Элдор Мойлиев: "Яккакурашларда ютқазсангиз, ҳеч қанақа тактика ёрдам бермайди"  0 23:33Михаил Еремчук: "Ғалаба учун аввало футболчиларга раҳмат"  2 23:30Суперлига. "Бухоро" ва "Бунёдкор"дан камбэк  1 23:14Иван Бошкович: "Ҳеч кимнинг бошини ёрмоқчи эмасман. Биз бундай ҳолатларга тайёр бўлиб боряпмиз"  3 22:56Клублар ўртасидаги ЖЧ. ПСЖ "Интер Майами"га имконият қолдирмади  168 22:45Илёс Зейтуллаев: "Бундай ажойиб ҳиссиётларни фақатгина футбол бера олади. Носир Абдусаломовни ўтган йилдан бери кузатиб келаман"  2 22:15Осиё Кубоги саралаши. Ўзбекистон аёллар терма жамоаси Шри-Ланкани 10:0 ҳисобида тор-морт этди. Нилуфар Қудратовадан "покер"  1 21:55Суперлига. "Бухоро" камбек амалга ошириб, "Шўртан"ни мағлуб этди   13 21:18Моуриньюга "Манчестер Сити" ҳимоячиси керак  0 20:56"Бунёдкор" суперкамбэк эвазига "Сўғдиёна"ни мағлуб этди  15

"Барселона"дан "Реал"га ўтган топ-5 футболчи News

"Барселона"дан "Реал"га ўтган топ-5 футболчи

"Эл Класико" вақтида дунё иккига бўлиниши ҳеч кимга сир эмас.

Ундаги жамоалар эса азалий рақиблар. Икки жамоа ҳам сиёсий ва молиявий томондан бақувват бўлганлиги учун доимий рақобатда ва бугунги кунга қадар дунёга машҳур футболчиларни етиштириб берган.

"Барселона"дан "Реал"га бир неча бора футболчиларнинг трансферлари кузатилганлигин барча яхши билади. Биз айни дамда шу борада тўхталамиз.

МИКАЭЛЬ ЛАУДРУП

Даниялик ўйинчи "Барселона" тарихидаги энг яхши футболчилардан бири бўлган. У 1989 йилда "Ювентус"дан Каталония жамоаси сафига бориб қўшилди ва Гари Линекернинг ўрнида ҳаракат қилди. "Барса"га ўтгунга қадар у "Юве" билан А Серия ҳамда Қитъалараро кубок турнири ғолиблигини қўлга киритди ва бутун дунёда машҳур бўлди.

У Рональд Куман ва Христо Стоичков билан бирга ўйнаган ва "Барселона"нинг олтин давридаги энг яхшиларидан бўлганди. 1993/94 йилги мавсумда жамоа бош мураббийи Йохан Кройфф бразилиялик Ромариони жамоага олиб боради ва Лаудрупни захирага ўтказиб қўяди. Бу ҳолат эса Микаэлни бошқа жамоага ўтишга чорлайди.

Ўша мавсум якунланганидан кейин "Реал" футболчи билан шартнома имзолайди ва Лаудруп "қироллик клуби" билан ЛаЛига ғолиблигига эришади.

Айни дамда Лаудруп Қатарнинг "Ал Райян" жамоасини бошқармоқда.

ЛУИС МИЛЬЯ

Испаниялик футболчи нафақат "Барселона", балки "Реал" учун муҳим ҳимоячилардан бири бўлган. Милья "Барселона"да 1984-1990 йиллар оралиғида ҳаракат қилган ва клуби билан кетма кет ЛаЛига, Копа дел Рей ва Европа кубогини қўлга киритган.

1990 йилда эса Йохан Кройфф туфайли "Реал"га ўтиб кетган. Луис "Реал"да ҳам даҳшатли ўйин намойиш этди ва ўзининг энг яхши даврларини ўтказди. 1993 йилда Испания кубоги қўлга киритилишида ўзининг катта ҳиссасини қўшди.

"Валенсия" таркибида 4 йил ўйнаганидан кейин футболчилик фаолиятини якунлади. Ҳозирда у Индонезия терма жамоаси бош мураббийи бўлиб ишламоқда.

БЕРНД ШУСТЕР

Шустер "Эл Класико"да икки томонда ҳам ўйнаган кам сонли футболчилардан бири бўлганди.

У 1980 йилларда "Барселона"нинг асосий фигураларидан эди. Гарчи Каталония жамоаси таркибида яхши ҳаракат қилган бўлса-да, клуб раҳбарияти билан яхши муносабатда бўлмаган.

8 йиллик фаолиятидан кейин у "Барселона"дан "Реал"га ўтди. Шуниси қизиқки, Шустер "Реал"да 2 йил тўп тепиб, "Атлетико"га трансфер қилинди.

Германиялик 1997 йилга келиб, Мексиканинг "УНАМ Пумас" жамоаси таркибида фаолиятини якунлади.

Айни дамда у Хитойнинг "Дальян Ифан" жамоасини бошқармоқда.

ХОСЕП САМИТЬЕР

Самитьер "Барселона" тарихидаги энг машҳур футболчилардан бири. У Каталония клуби таркибида 454 учрашувда қатнашиб, 333 гол киритган. Паулиньо Алькантара ва Лео Месси билан биргаликда клубнинг энг яхши тўпурарлари учлигидан ўрин олган.

Хосеп ўз вақтида Европанинг энг яхши ҳужумчиларидан бири бўлган. Унинг ўйин услуби бошқача эди. Шу боисдан уни "Эль Маг" (сеҳргар) ва "Хоум Лагоста" (чигиртка) деб аташган.

1933 йилда Самитьер "Барселона" раҳбарияти билан чиқиша олмади ва асосий таркибдаги жойини йўқотиб қўйди. Узоқ муддат захирада ўтирганидан кейин у 1934 йилда "Реал"га кўчиб ўтди.

Шунга қарамасдан у "Барселона" афсонаси бўлиб қолди. 1972 йилда эса вафот этди.

ЛУИШ ФИГУ

"Эл Класико"нинг икки жамоасида ўйнаган энг шафқатсиз футболчиларидан бири.

Португалиялик футболчи 1995 йилда "Барселона" таркибига бориб қўшилган. У ўз маҳорати ва чиройли ўйинлари сабабли жамоа билан 172 учрашувда майдонга тушди ва 30 гол киритди.

2000 йилнинг ёзида эса у Каталониядан Мадридни афзал кўрди. Унинг "Реал"га трансфери рекорд даражада эди. Фигу "Реал"га ўтиши орқали "Барселона" мухлислари кўзига ёмон кўриниб қолди.

"Реал" билан "Камп Ноу"га қайтганида мухлислар Фигунинг бошига пул ва чўчқа ўйинчоқларни отишди. "Реал" таркибида у чиройли ўйин кўрсатди ва 2001 йилда ФИФА уни энг яхши футболчи деб эълон қилди.

Миржалол Норматов таржимаси

Rating: +25   

Comments

championat.asia
< show latest news
Яндекс.Метрика