"Барселона"да яна бир истеъфо

Солернинг клубдан кетишига чарчоқ ва ҳаддан ташқари кўп ишлаш сабаб бўлган. Бу ҳақида Альберт Солернинг ўзи маълум қилди. Каталония клуби президенти Хосеп Мария Бартомеу Солерни ўз ишидан озод қилишга рози бўлди.

Клубнинг спорт лойиҳаларига жавоб берган Солернинг сўзларига кўра, у испан гранди учун осон кечмаган ёзги трансфер ойнасида кўп машаққат чеккан. Неймарнинг ПСЖга ўтишини эсга олишнинг ўзи етарли.

Солер "Барселона"да фақатгина футбол лойиҳаларини амалга оширишга жавоб бермасди. Баскетбол, хоккей, футзал ва баъзи бошқа спорт турлари ҳам унинг вазифаларига кирарди. Баскетболга боғлиқ лойиҳалар ҳам ундан катта куч талаб қиларди.

Энди клубдаги футбол лойиҳаларига бош менежер Пеп Сегура жавоб беради.

Эслатиб ўтамиз, олдинроқ, «Барселона»да 15 йил ишлаган директор клубдан кетган эди.