"Барселона" Хави билан шартномани 2025 йилгача узайтиради
16 mar 2023 13:27
News

"Барселона" Хави билан шартномани 2025 йилгача узайтиради

Tags : Барселона Ла Лига Хави Жоан Лапорта

Каталония клуби раҳбарияти жамоа бош мураббийи Хави Эрнандесга янги шартнома таклиф қилади.

Клуб "Реал"га қарши Ла Лиганинг навбатдаги учрашувидан сўнг жамоа устозини янги битим билан сийламоқчи. Янги келишув 2025 йилгача амалда бўлади.

"Барселона" президенти Жоан Лапорта клуб жорий мавсумда яна бирор совринга эга чиқиши ёки акси бўлишидан қатьи назар 43 ёшли мутахассис билан ҳамкорликни давом эттиришни истайди. У мураббийнинг ишидан жуда мамнун.

Хави бунгача 2024 йилнинг июнигача кучда бўладиган шартномага эга эди. Мутахассис Лапорта билан яхши шахсий ва профессионал муносабатларни ўрнатгани боис бир йиллик узайтириш ҳеч қандай қийинчиликларсиз қабул қилиниши кутилмоқда.

"Барса" ушбу мавсум Хави қўл остида Испания Суперкубогини қўлга киритди. Мамлакат кубоги ярим финали биринчи ўйинида "Реал" устидан кичик ҳисобда ғалаба қозонди. Душанба куни бўлиб ўтадиган класикодаги ғолиблик турнир жадвалида Мадрид клубидан 12 очко олдинлаб кетиш имконини бериши мумкин.

Link :

Source : Diario Sport

Receive latest football news directly on your phone. Subscribe for our Telegram channel!

Rating: +3