"Барселона" U-17 ЖЧда "кумуш бутса"ни қўлга киритган африкалик иқтидор билан шартнома имзоламоқчи
26 feb 2024 12:49
News

"Барселона" U-17 ЖЧда "кумуш бутса"ни қўлга киритган африкалик иқтидор билан шартнома имзоламоқчи

Январь ойида "Барселона"да кўрикдан ўтиш учун таклиф қилинган 17 ёшли Иброҳим Диарра мураббийлар штабида илиқ таассурот қолдирди.

Ёш малилик умидларни оқлади ва у ҳақидаги шарҳлар ижобий, дея хабар берди "Footmercato".

У синов муддатини муваффақиятли якунлади ва "Барселона" уни имкон қадар тезроқ жамоага жалб қилиш йўлларини қидирмоқда.

Малига қайтиб кетган ҳужумчи Европа Иттифоқи қоидаларига кўра, вояга етгунига қадар "Барселона"да ўйнай олмайди. Бироқ "Барса" Диаррага ёзда Каталония клубига ўтишга рухсат берувчи маъмурий қарорларни кўриб чиқмоқда.

Маълумот ўрнида, Диарра Мали U-17 термаси билан ЖЧда қатнашиб, 3-ўринни қўлга киритганди. У мундиаль 1-турида Ўзбекистонга қарши учрашувда ҳам қатнашган эди.

Link :

Source : Footmercato

Receive latest football news directly on your phone. Subscribe for our Telegram channel!

Rating: +3