"Барселона" Рафиньяни сотса, Месси билан шартнома имзолай олади

Diario Sport нашрининг хабар беришича, агарда "Барселона" Рафиньяни сотишга эришадиган бўлса, клуб Месси билан шартнома имзолашига имконият яралади. Бу фикр бразилиялик вингернинг агентларига ҳам тушунтирилди. 

Рафиньянинг сотилиши клуб молиявий аҳволини анча яхшилайди. Шу билан бирга, клуб Ла Лиганинг молиявий фейр-плей қоидаларини ҳам бузмайди. Шу тарзда клуб Месси билан битим имзолай олади. 

Манбанинг қўшимча қилишича, бу режани амалга ошириш учун вақт кам. Сабаби, Лионель Месси ўз келажагини тез орада ҳал қилиш ниятида. 

Маълумот учун, Рафинья "Барселона"га 2022 йилда келганди. Футболчи ушбу мавсум Ла Лига 35 ўйинида 7 та гол киритишга эришди.