"Барселона" қўрқинчли "Аноэта"да меҳмон

"Леванте" - "Сельта"

Барселонада калтакланган Унсуэ жамоаси Валенсияга йўл олди. Каталониядаги омадсизликка қарамасдан, Виго клуби бу баҳсда ғалабага умид қилмоқда. "Сельта"нинг учта ўйинлик ғалабасиз серияси "Реал" ва "Барселона" туфайли содир бўлганини унутмаслик керак. "Сельта" "Леванте" даражасидаги клубларга қарши хотиржам ўйнайди. Ушбу жамоалар ўртасидаги сўнгги 2та ўйинда 10та гол киритилганини ҳисобга олсак, бугун ҳам камида 3та голга умид қилишимиз мумкин.

"Алавес" - "Севилья"

Мезбонлар уйидаги кетма-кет 4та учрашувда ғалаба қозонишди (Испания Кубоги билан). Жамоа "Мендисорросе" стадионида қайта туғилгандек кўринмоқда. Италиялик мутахассис Винченцо Монтелла қўл остидаги меҳмонлар айни дамда ўз ўйинини излаш билан банд. "Севилья"нинг сўнгги учрашувларига эътибор берсак, жамоанинг ўйинларида барқарорлик йўқ. Меҳмонларнинг маҳорати қоғозда рақибникидан устун. Баҳсдаги воқеалар ривожини тахмин қилиш ҳам жуда қийин.

"Эспаньол" - "Атлетик"

Баскониянинг асосий жамоаси аста-секинлик билан ўзига келмоқда. "Атлетик" сўнгги олтита баҳсда мағлуб бўлмади, кетма-кет учта учрашувда ғалабага эришди. "Эспаньол" эса рақибникидай жанговар формаси билан мақтана олмайди. "Тўтиқушлар" оқсамоқда ва хатто "Малага" ҳамда "Леванте" устидан қозонилган "қуруқ" ғалабалар ҳам тасодифий бўлиши мумкин. Бу муваффақият "Эспаньол"нинг кучлилигидан эмас, рақиб ўзини кўрсата олмаганидан дарак. "Шерлар"га қарши баҳсда "тўтиқушлар" ўз қўшиғини куйлаши қийин бўлади, чунки жанговар формадаги рақиб овга чиққан, бу сафар улар мезбонларни қопқонга тушириши мумкин.

"Реал Сосьедад" - "Барселона"

Сан-Себастьян "Реал" ва "Барселона" учун омадсиз шаҳарлардан бири ҳисобланади. Маҳаллий клуб "Аноэта"нинг ўзгача "аура"сидан фойдаланишни яхши билади. "Реал Сосьедад" ўз стадионида ҳар қандай рақибга муаммо туғдириб келган ва бугун ҳам улар "Барселона"нинг "қонини ича" олади. Каталония клуби "Аноэта"даги сўнгги 5та учрашувнинг 3тасида мағлуб бўлган. Мезбнолар "Барселона" ҳимоясини синовдан ўтказишади. Маҳорат борасида рақибдан анча устун бўлган кўк-анорранглилар "Реал Сосьедад" дарвозасини ишғол қилишлари қийин бўлмайди, бунинг устига жамоа жуда яхши формада. Таркибга қўшилган янги футболчилар эса Эрнесто Вальверде жамоасига куч қўшади.

Учрашувлар бошланадиган вақт ва ўйинлар кўрсатиладиган каналлар:

16:00. "Леванте" - "Сельта" (Футбол ТВ, 

20:15. "Алавес" - "Севилья" (Aleziya.com)

22:30. "Эспаньол" - "Атлетик" (Aleziya.com)

00:45. "Реал Сосьедад" - "Барселона" (Aleziya.com, Футбол ТВ, Матч ТВ, Матч! Футбол 3)