"Барселона" Онанани харид қилмоқчи

Каталонияликлар олдинроқ 22 ёшли футболчига қизиқа бошлаган эди, "Барселона" спорт директори Декунинг фикрича, Онана жамоани кучайтира олади. Клуб футболчи атрофидаги вазиятни ўрганиш учун Амаду билан боғланганди, аммо "Эвертон" у учун 60 млн. евро сўради. Шу сабабли "Барселона" келишув ҳақида ўйламай қўйган эди.

Энди вазият ўзгарган, чунки "Эвертон" молиявий фэйр-плейга амал қилиш учун 30 июнгача баъзи футболчиларни сотишга мажбур.

"Эвертон" энг яхши футболчиларини арзонга сотмоқчи эмасди, аммо клуб вақт ва таклифлар камлиги учун босим остида қоляпти. "Барселона" вазиятни диққат билан кузатмоқда. Ханси Флик Онана трансферига рози, футболчи ҳам фаолиятини "Камп Ноу"да давом эттирмоқчи. Бироқ "Барселона"да молиявий муаммолар бор: Клуб 30 июнгача трансфер ойнасида фаоллик қилмоқчи эмас. Амадунинг нархи вазиятни ўзгартириши мумкин.

Онанага "Бавария" ҳам қизиқиш билдирган. Маълумотларга кўра, Деку агентларга "Барса" 40 млн. евро сарфлашга тайёрлигини айтган.

Жорий мавсум Онана 37та баҳсда майдонга тушиб, 3та гол урди ва 1та голли пас берди.