"Барселона" навбатдаги чемпионликни расмийлаштирди!

"Атлетико" – "Барселона" 0:1

Гол: Месси 65.

17 май, 22.00, «Висенте Кальдерон»

"Атлетико" – Облак, Хуанфран, Хименес, Годин, Сикейра, Суарес (Гарсия 67), Габи, Туран (Манжукич 73), Коке, Гризманн, Торрес(Нигуез 79).

"Барселона" – Браво, Дани Алвес, Пике, Альба (Матье 79), Педро, Бускетс, Иньеста(Хави 81), Маскерано, Ракитич (Рафинья 86), Неймар, Месси.

Огоҳлантиришлар: Педро 30, Годин 32, Коке 53, Габи 75, Неймар 92, Месси 93, Сикейра 93.

Ваниҳоят ўйин якунланди! Барселона чемпион! Ушбу чемпионлик билан "Барса" мухлисларини табриклаб қоламиз! Кейинги ўйинларда кўришгунча соғ ва омон бўлинг!

90+3. Месси ва Сикейралар баҳслашгани учун сариқ карточка ишлаб олдилар.

90+2. Неймар вақтни чўзгани учун огоҳлантирилди.

90. Ҳакам 3 дақиқа қўшиб берди.

88. "Атлетико" футболчилари кетма-кет ҳужум уюштирдилар. Лекин, Бравонинг маҳорати ҳозирча каталонияликлар жонига оро кирмоқда.

86. Ракитич ўрнига Рафинья майдонга тушди. 

84."Барса" яна олдинга ўтмоқда.

81. Яна ўзгариш. Иньеста ўрнига Хави майдонга тушди. У тушиши билан сардорлик боғичини тақиб олди.

79. Ўзгаришлар. Альба ўрнига Матье. Торрес ўрнига Саул Нигуез.

78. "Эспаньол" - "Реал" учрашувида 1:2 ҳисоби қайд этилмоқда.

77. Педронинг зарбаси бироз ноаниқ. Акс ҳолда, чиройли гол гувоҳига айланишимиз мумкин эди.

75. Габи Бускетсга нисбатан қўпол ўйнагани учун сариқ карточка билан жазоланди.

73. Арда Тураннинг ўрнига Марио Манжукич тушди.

72. Энди "Атлетико"нинг ҳужуми. Арданинг берган зарбаси Браво қўриқлаётган дарвоза устидан ўтиб кетди.

71. "Барса"нинг тезкор қарши ҳужумииии. Месси тезкорлик билан рақиб жарима майдончаси олдига яқинлашиб Неймарга тўпни узатганди. Лекин, бразилиялик ҳужумчининг берган зарбаси дарвоза юқорисидан ўтиб кетди.

69. Неймарнинг зарбасиии! Бироз ноаниқ...

67. "Атлетико"да ўзгариш! Марио Суареснинг ўрнига Раул Гарсия майдонга тушди.

65. ГОООООЛЛ!!! Мессиии!!! Аргентиналик футболчи тўпни жарима майдони ичига олиб кирди ва Педрога узатди. Педро эса дарҳол тўпни Мессининг ўзига қайтиб берди. Аргентиналик футболчи эса дарвозанинг узоқ чап бурчагига зарба бериб ҳисобни очди - 0:1!

62. "Эспаньол" - "Реал" баҳсида Роналдунинг голидан сўнг ҳисоб очилди - 0:1!

61. Майдон марказида Неймарга нисбатан қўполлик ишлатилди.

58. Месси Алвесга тўпни етказиб берганди. Бироқ, Габи фаоллик кўрсатиб хавфни бартараф этди.

55. Торррееес! Браво тўпни эгаллаб олди. Торрес зарба бераётган пайт унга қаршилик кўрсатаётган Маскерано кутилмаганда йиқилиб тушди.

53. Коке Мессига нисбатан қўполлик ишлатгани учун огоҳлантирилди.

50. Энди "Атлетико"нинг ҳужуми. Гризманннинг берган зарбаси Иньестанинг юзига тегди. Айни пайтда унга тиббий ёрдам кўрсатилмоқда.

49. "Барса" футболчилари яна ҳужум уюштиришга ҳаракат қилдилар. Лекин, тўпни Облак эгаллаб олди.

47. Меҳмонлар кетма-кет икки маротаба бурчак зарбасини амалга оширишди.

Иккинчи бўлим бошланмоқда!

Айни пайтда Испания Примеросида ушбу ўйиндан ташқари яна 9 та ўйин бўлиб ўтмоқда. Натижалар билан қуйидаги саҳифа орқали танишиб боришингиз мумкин.

Танаффус!

Биринчи бўлим якунланди! 

45. Ҳакам биринчи бўлимга бир дақиқа қўшиб берди.

45. Алвеснинг ажойиб зарбасииииии. Облакдан ажойиб сейв!

44. Торрес Пикега босим ўтказишга ҳаракат қилди. Лекин, ҳимоячи ўз вақтида тўпни узоқлаштириб юборди.

41. Тўп назорати "Барса" футболчиларида.

38. Дани Алвеснинг ўнг қанотдан ошириб берган тўпидан сўнг Педро қайчи услубида гол киритишга ҳаракат қилди. Бироқ, бу сафар унга аниқлик етишмади. Эсингиздами, у ўтган сафарги ўйинлардан бирида ҳудди шундай тарзда рақиб дарвозасини ишғол қилганди!

34. Зарбааа! Мессиии... Хавфли кўриниш олганди аргентиналик футболчининг зарбаси!

32. "Атлетико" футболчилари Дани Алвесни 11 метрлик жарима майдони олдида йиқитишди. Бразилиялик футболчи асабийлашмоқда. Годин огоҳлантирилди!

30. Педро Родригес огоҳлантирилди.

27. "Барса" ҳужумчилари рақиб ҳимоячиларига нисбатан босим уюштирмоқдалар.

24. 3 дақиқа ичида икки маротаба Мессига нисбатан майда фоллар ишлатилди.

20. Мессининг боши билан берган зарбасидан сўнг тўп Хуанфраннинг қўлига текканди. Лекин, ҳакам бунга эътибор қаратиб ўтиргани йўқ.

18. Месси чамаси 22 метрлардан рақиб дарвозасини ишғол қилишга уриниб кўрганди. Аммо, тўп дарвоза устидан ўтиб кетди.

15. Алвеснинг ўнг қанотдан узатиб берган зарбаси жуда юқорига қараб кетди.

10. Хавфли вазияяят! Лекин, Антуан Гризманн ўйиндан ташқари ҳолатда қолиб кетди...

6. Торрес тўп учун Альба билан курашганди. Бироқ, ҳимоячи тартибли ҳаракат қилиб ҳавфни бартараф этди.

2. Бускетс Габи билан тўқнашиб кетди.

1. Демак, бошладик!

Жамоалар майдонга чиқиб келишган!

Шунингдек, мухлислардан фикр билдираётганларда тартибни сақлашларини илтимос қилиб қоламиз!

Барчага маълумки, бугун агар "Барселона" ғалаба қозонадиган бўлса Испания чемпионлигини қўлга киритади. Нима деб ўйлайсиз, каталонияликлар муддатидан олдин чемпионликни тантана қила оладиларми ёки "Атлетико" бунга йўл қўймайдими?

Испания Чемпионати турнир жадвали айни пайтда қуйидагича кўриниш ҳосил қилган.

Ассалому алайкум ҳурматли футбол ишқибозлари! Талаб ва истакларингизга биноан Испания чемпионатининг "Атлетико" - "Барселона" ўйинидан матнли трансляциямизни бошлаймиз! Бугун мен - Азиз Тўхтамуродов ушбу ўйинни сиз азизлар билан бирга кузатиб бораман!