"Барселона" Ла Лига ўтган мавсумида телеҳуқуқлар орқали чемпион "Реал"дан кўп пул ишлади
04 jan 2018 21:28
News

"Барселона" Ла Лига ўтган мавсумида телеҳуқуқлар орқали чемпион "Реал"дан кўп пул ишлади

Испания Қироллик футбол Федерацияси расмий сайти Ла Лига клубларининг ўтган мавсум телеҳуқуқлардан олган фойдаларини эълон қилди.

Ўтган мавсум бу борада ҳаммадан кўп пулни "Барселона" ишлаб топди (146,2 миллион евро), чемпион бўлган "Реал" эса телетрансляциялар орқали 140 млн 100 минг еврога бойиди.

Умумий даромад 1 миллиард 246 миллион еврони ташкил этди. Энг кўп даромад кўрган клублар бешлигини қуйидаги жамоалар тўлдиришди: "Атлетико" (99,2 миллион евро), "Атлетик" (71 млн евро) ва "Валенсия" (67,4 млн евро).