"Барселона" ҳимояни "Айнтрахт" футболчиси билан кучайтирмоқчи

"Барселона" Франкфуртнинг "Айнтрахт" клубидан Эван Ндикани сафига қўшиб олиш борасидаги саъй-ҳаракатларни кучайтирмоқда, деб хабар берди "Sport1". 23 ёшли франциялик ҳимоячи ёзда эркин агентга айланади. Бепул трансфер имконияти молиявий қийинчиликларни бошдан кечираётган "Барселона"ни ўзига тортмоқда.

Шунингдек, каталонияликлар Ндиканинг кучли томонларига шахсан ишонч ҳосил қилди. Зеро, айнан Франкфуртнинг "Айнтрахт" клуби 2022 йилнинг баҳорида Европа Лигаси чорак финалида "Барселона"ни мағлуб этганди.

Эван Ндика Франкфурт клубида 2018 йилнинг ёзидан буён ўйнаб келмоқда. У Бундеслигада 119 та ўйин ўтказиб, 9 та гол урган ва 7 та голли узатмани амалга оширган.