"Барса" хавбеки Матеус: "Куман айтди: "Сен яхши ўйнадинг, аммо таркибга кирмайсан, мен сенга ишонч билдирмайман"

"Мен мураббийнинг бошида нима содир бўлаётганини билмайман. Ўйлайманки, биз тез-тез гаплашишимиз мумкин эди.

Машғулот бошланишидан олдин у ўзининг ассистентларига менга ишонч билдирмаслигини ва кетишим мумкинлигини айтди. Мен шунчаки ўйладим: "Сен қандай қилиб мени инсон сифатида ҳам, ўйинчи сифатида ҳам билмасдан туриб бундай гапиришинг мумкин? Балки, яна бир бор кўрар?"

Бир марта гаплашиш учун олдига бордим. Куман ишонч билдирмаслигини, агар яхши клуб топсам, ўйин амалиёти сабаб кетишим мумкинлигини айтди. Мен жамоа топмадим, сабаби ёш ва эндигини "Барса"га келгандим. Мен ундан бир неча дақиқа беришини сўрадим, аммо у мени Ла Лигада туширмади. Бу жуда ғалати бўлди.

Киевнинг "Динамо" (Матеус майдонда 17 дақиқа ўтказган) жамоасига қарши ўйиндан бир ой ўтиб, яна унинг олдига бордим ва айтдим: "Мураббий, мен нега ўйин амалиёти олмаяпман. Ёмон ўйнадимми?" У жавоб берди: "Йўқ, сен яхши ўйнадинг, аммо сенга дақиқалар бера олмайман, сабаби мен сенга ишон билдирмайман. Сенда "Барса"нинг ўйини учун маҳорат йўқ. Агар у мени майдонга туширмаса, нимага қодир эмаслигимни кўрмаслигини айтдим. Унга менежерлар мен билан шартнома имзолашганини, сабаби менда маълум сифатни кўришганини айтдим. Менимча, бу ерда бошқа нимадир бор эди.

Ўйинлар олдидан мен деярли умумий гуруҳда шуғулланмасдим. Доим бу шахсий нимадир деб ўйлардим, сабаби у мен билан ҳатто гаплашмади. Менимча, бу шахсий нимадир", - дейди Матеус.

Матеус "Барса"га ўтганидан сўнг фақатгина Киевнинг "Динамо" (4:0) жамоасига қарши 17 дақиқа ўтказди. Ортиқ у бошқа ўйинда ҳаракат қилмади.