"Барса" Дембелега 8 млн евродан ортиқ маош бермайди

"Барселона" клуби футболчиси Усман Дембелега каталонияликлар томонидан таклиф қилинган янги шартнома шартлари маълум. Клуб Усманга 8 млн евродан ортиқ маош бериш ниятида эмас. Шу билан бирга, "Барселона" футболчи билан тўрт йиллик шартнома имзоламоқчи. Усманнинг ўзи эса икки йиллик битимни хоҳлаяпти.  Аввалроқ, Дембелега яқин бўлган инсонлар клуб ва футболчи  янги шартнома бўйича музокаралар ўтказишга тайёр эканлиги маълум қилинганди.

Маълумот учун, Усман Дембеле ушбу мавсумда "Барселона" таркибида 21 та ўйинда майдонга тушиб, 2 гол ва 9 ассист қайд этди.