Баҳром Вафоев номидаги стадион прожекторлари талаб даражасига етди
01 may 17:56
News

Баҳром Вафоев номидаги стадион прожекторлари талаб даражасига етди

"Машъал" футбол клуби уй учрашувларини ўтказадиган Баҳром Вафоев номидаги стадионда кузда янги прожекторлар ўрнатиш ишлари олиб борилди.

Дастлаб февраль ойида илк босқич якунлангач, Лига мутахассислари стадион ёритиш тизимини ўлчаш ишларини ўтказишганди. Унда ёритиш тизими даражаси 1700 люксни ташкил қилганди.

Прожекторларни талаб даражасига етказиш учун яна қўшимча созлаш ишлари амалга оширилди. 22 апрель куни Лига мутахассиси Муборакдаги стадионда яна бир бор ёритишни ўлчаш жараёнини ўтказди. Эндиликда Баҳром Вафоев номидаги стадион прожекторлари 1900 люкс даражада ёруғлик бермоқда.