Баҳром Ҳакимов: "Жанг"да ғолиб бўлдик"

«Бухоро»га қарши кечадиган баҳснинг ҳар икки томон учун жуда оғир ўтиши олдиндан маълум эди. Чунки бу олти очколик ўйин эди. Шу боис учрашувнинг дастлабки дақиқаларидан жуда муросасиз ва шиддатли ўйин, шунинг билан асабий баҳсга гувоҳ бўлдик. «Жанг»да ғалаба қозондик, деган бўлардим. Жамоамизни қўллаб-қувватлаб турган клуб ва вилоятимиз раҳбариятига миннатдорчилик билдираман. Мухлисларимиз ҳам бугун жамоани ажойиб тарзда қўллаб туришди» - дейди Баҳром Ҳакимов.

«Қўқондаги учрашувда жисмоний жиҳатдан муаммоларга дуч келгандик. Қолаверса, янги таркибнинг ўйнаб кетиши учун ўйинлар талаб этилади. Бугун кўрганингиздек маҳаллий футболчилар – сардоримиз Илҳом Юнусов ва Дилшод Шарофутдиновлар атрофида ўйинни ташкил этдик ва ўйинни назорат қила олдик. Ҳимояда ҳам жуда тартибли ўйин кўрсатдик. Йигитларга ўйин учун миннатдорчилик билдираман. Умид қиламанки, бу бошланиши, кейинги баҳсларда ҳам «Динамо» мухлисларни қувонтириш учун бор имкониятини ишга солади» - дея фикр билдирди «Динамо» бош мураббийи.