Latest news

01:49А Серия. "Милан" мавсумдаги илк ғалабасини қўлга киритди  0 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  8 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  5 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  0 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  0 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   4 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  29 21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  5 21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  21 20:30Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин  2 20:06Интервью. Валерий Кичин: "Бухоро" кубокда сенсация қилса керак, "Нефтчи" чемпионликни қўлга киритиши мумкин"  4 19:39"Челси" собиқ футболчиси фаолиятини "Севилья"да давом эттиради  0

Баҳриддин Ваҳобов: “Миллий терма жамоадан таклиф бўлишига умид қиляпман” News

Баҳриддин Ваҳобов: “Миллий терма жамоадан таклиф бўлишига умид қиляпман”

“Қизилқум” ҳужумчиси Баҳриддин Ваҳобов учун бу йилги мавсум муваффақиятли ўтмоқда деса бўлади.
Боиси тажрибали ҳужумчи ортда қолган март ва май ойининг “Энг яхши футболчиси” бўлди. Шунингдек унинг жамоасига фойда келтираётган голларини ҳам эътироф этиш лозим. Ваҳобов шу кунгача чемпионат ўйинларида 14та гол уришга эришди. Ўтган турда “Навбаҳор” дарвозасига 3та гол уришга эришган футболчи, “championat.asia” талқинига кўра, турнинг рамзий терма жамоасидан ўрин олди. Шу муносабат билан Баҳриддин суҳбатга чорладик.

- Ўзбекистон Профессионал футбол лигаси ва championat.asia сайти томонидан ташкил этиб келинаётган “Ойнинг энг яхши футболчиси” совринига май ойида сиз эгалик қилдингиз. Шундай бўлишига қанчалик ишонгандингиз?
- Очиғини айтганда, май ойида ҳам ушбу совринни қўлга киритаман деб сира ўйламагандим. Чунки март ойида ҳам “Энг яхши футболчи” номинацияда ғолиб бўлганимдан сўнг, яна такрорланишига ишонмагандим. Май ойида совринга эга чиққанимдан табиийки хурсанд бўлдим. Бундай эътибор менимча ҳар қандай футболчига завқ бағишлайди ва ўз устида янада кўпроқ ишлашга ундайди. Кайфиятим кўтарилгани шубҳасиз. Фурсатдан фойдаланиб, мени ушбу совринга муносиб кўрганларга миннатдорчилик билдираман.



- Сиз учун бу йилги мавсум аъло даражада ўтмоқда. Фикримизга ўзингиз ҳам қўшилсангиз керак?
- Ҳа, кўз тегмасин. Ҳозирча ҳаммаси яхши. Мен ҳужумчиман, вазифам гол уриш. Тўпурарлар рўйхатида пешқадамлик қилаётган эканман, демак ёмон бўлмаяпти. Асосийси голларим билан жамоамга фойда келтиряпман. “Қизилқум”нинг бугунги кунда эгаллаб турган ўрнини (6-ўрин) қониқарли баҳолаш мумкин.

- Ҳисобингизда ҳозирча 14та гол бор. Аслида мавсум аввалида ўз олдингизга бу борада қандай мақсад қўйгандингиз?

- Тўғриси, 10та гол уриб олсам ҳам катта гап деб ўйлагандим. Лекин ишларим юришиб кетиб, ўзим кутгандан ҳам кўп гол ура бошладим. Бунда жамоадошларимнинг ҳам катта хиссаси бўляпти. Ҳужумчини пас билан таъминлаб берувчи унинг жамоадошларидир. Насиб қилса кейинги учрашувларда ҳам голлар уриб, жамоамга фойда келтиришга уринаман.

- Кўряпмиз, мураббийлар сизни аксарият ўйинларда захирадан майдонга туширмоқда. Сиз учун қай бири муҳим ўйинни илк дақиқалардан бошлашми ёки учрашув охирларида майдонга тушиб, гол уришми?

- Муҳими урган голим жамоамга фойда келтиришидир. Қанча вақт ўйнаш эса иккинчи даражали. Тасаввур қилинг, 90 дақиқа ўйнадингиз аммо гол йўқ. Ҳужумчи учун бундан нима наф.



- “Қизилқум”нинг муваффақиятли иштирокини сабаби нимада?

- Бу йил таркиб яхши йиғилди ва шакллантирилмоқда. Ойлик ва мукофот пуллари ўз ватида берилмоқда. Раҳбарият ўз ишига тўғри ёндошгани кўриниб турибди. Профессионаллик сари одимламоқда.

- Бу йил сизга чемпионатимиздаги қайси ҳужумчиларнинг ўйини ёқмоқда?
- Биринчи навбатда Игорь Сергеевни кўрсатган бўлардим. Кейин Вячеслав Шевченко. Ушбу жамоадошимнинг ҳам хизмати катта бўляпти. Қолаверса “Насаф”даги Илҳом Шомуродов ҳам чакки эмас. Охирги турларда гол уришни бошлади.

- Айрим ўйинларда хет-трик қайд этиб, яна мухлислар ва мутахассилар эътиборига туша бошладингиз. Яқинда футболимиздаги таниқли шахслардан бири билан суҳбатлашганимизда, Сизни терма жамоага таклиф этилмаётганингиздан хайрон қолаётганини билдирди. Ўзингиз МТЖдан таклиф кутяпсизми ёки бу ҳақда ўйлаб кўрмадингизми?
- Тўғриси, миллий терма жамоадан таклиф бўлишини кутяпман ва бу борада озгина бўлса ҳам умидим бор. Лекин буни мураббийлар ҳал қилади. Агарда таклиф қилса, бундан хурсанд бўлардим ва бор кучим билан ўйнаб, ватанимизнинг бош жамоасига фойда келтиришга уринаман. Эхтимол мураббийлар Ваҳобовни ёши ўтди деб ўйлашаётгандир. Яна ким билади дейсиз.


Исломбек Рустамбеков суҳбатлашди.
Rating:    

Comments

championat.asia
< show latest news
Яндекс.Метрика