Баҳрайн Жаҳон ва Олимпиада чемпиони бошчилигида Ўзбекистонга қарши майдонга тушади
28 mar 2016 15:30
News
![](https://championat.asia/upload/storage/202959_original.jpg)
![](/upload/storage/202959_220.jpg)
Баҳрайн Жаҳон ва Олимпиада чемпиони бошчилигида Ўзбекистонга қарши майдонга тушади
Айни пайтда Баҳрайн терма жамоасини аргентиналик машҳур футболчи Серхио Батиста бошқариб бормоқда. Бу мураббий ҳақида ўқувчиларимизга маълумот беришга қарор қилдик.
Серхио Батиста 1986 йил Мексикада бўлиб ўтган жаҳон чемпионатида ғолиб чиққан. 1990 йилги Жаҳон чемпионатида Аргентина билан бирга финалга қадар етиб борган ва мундиалда иккинчи ўринни банд этган. Фаолиятини асосан Аргентина клубларида ўтказган ва мамлакатнинг энг таниқли таянч ярим ҳимоячиларидан бири ҳисобланган.
Серхио Батиста (2-рақамда) ЖЧ-1986 вақтида
2008 йилги ёзги Олимпиада ўйинларида Батиста Аргентина олимпиячиларини чемпион қилганди. Ушбу жамоада Лионель Месси, Серхио Агуэро, Эзикель Гарай, Пабло Сабалета, Фернандо Гаго, Эвер Банега, Эзикель лавесси, Хуан Роман Рикельме, Анхель Ди Мария, Хавьер Маскерано ва Серхио Ромеро каби футболчилар ўйнаганди.
Аргентина Олимпиада чемпиони!
2010 йилги Жаҳон чемпионатидан сўнг Диего Марадонанинг ўрнига Батиста миллий терма жамоани бошқарган. Бироқ 2011 йилда Аргентина ўткзилган Америка Кубогидаги омадсизлик туфайли у истеъфога чиқарилган. Ўша мусобақада Месси бошчилигидаги жамоа чорак финалда тўхташга мажбур бўлганди.
2011 йил Хитой суперлигасининг “Шаньхай Шенхуа” клубига бошчилик қилган. 2015 йилдан Баҳрайн терма жамоасида ишлаб келмоқда.
Серхио БАТИСТА
Туғилган санаси: 09.11.1962
Туғилган жойи: Буэнос Айрес, Аргентина
Футболчиликдаги амплуаси: ярим ҳимоячи
Ўйнаган жамоалари: 1981–1988 “Аргентинос Хуниорс” 253 (25), 1988–1990 “Ривер Плейт” 52 (2), 1991 “Аргентинос Хуниорс” 19 (0), 1992–1993 “Нуэва Чикаго” 5 (0), 1995–1996 “Тосу Фьючерс” 95 (5), 1997–1999 “Олл Бойз” 60 (1).
Аргентина терма жамоасида 1985-90 йилларда 39 учрашув ўтказган.
Бошқарган жамоалари: 2000 “Белла Виста”, 2001–2003 “Аргентинос Хуниорс”, 2003 “Таллерес”, 2004 “Аргентинос Хуниорс”, 2004–2005 “Нуэва Чикаго”, 2007 “Годой Круз”, 2007–2010 Аргентина олимпия терма жамоаси, 2010–2011 Аргентина терма жамоаси, 2012–2014 “Шаньхай Шенхуа”, 2015 йилдан Баҳрайн терма жамоасида.
Эришган ютуқлари: Аргентина чемпиони-1984, 1985, 1990, Либертадорес Кубоги соҳиби-1985, жаҳон чемпиони-1986, ёзги Олимпиада ғолиби-2008.
Similar news
![AMP Logo](https://championat.asia/image/logo-amp.png)
Comments