Баҳрайнни Осиё Кубогига Аднан Ҳамад тайёрлайди
07 aug 2014 12:46
News

Баҳрайнни Осиё Кубогига Аднан Ҳамад тайёрлайди

Ироқлик таниқли мутахассис Баҳрайн миллий терма жамоаси бош мураббийи этиб тайинланди.

2004 йил “Осиёнинг энг яхши мураббийи” деб топилган Аднан Ҳамад аввалги ҳамкасби Энтони Хадсон ўрнини эгаллади. Негаки англиялик мутахассис Янги Зеландияни қабул қилиб олди.

Демак, бундан буён баҳрайнликларни Аднан Ҳамад бошқаради. Унинг олдига қўйилган асосий вазифа терма жамоани Осиё Кубоги-2015га пухта тайёрлашдир. Бу ҳақда миллий федерация президенти айтиб ўтди.

Аднан Ҳамаднинг ўзи эса бу борада шундай деди: “Мен илгари Ироқ ва Иордания термасида ишлаганман. Баҳрайннинг ўйин услуби уларга яқин бўлгани учун шу жамоани бошқаришга рози бўлдим. Баҳрайнлик футболчиларда характер жуда кучли, бу эса менинг ишимни бирмунча осонлаштиради”.

Эслатиб ўтамиз, Баҳрайн терма жамоаси Осиё Кубогининг гуруҳ баҳсларида Эрон, БАА ва Қатарга қарши баҳс олиб боради.

Link :

Source : championat.asia

Receive latest football news directly on your phone. Subscribe for our Telegram channel!

Rating: